嚐。吃

實在太忙, 實在太累,

實在太少時間, 實在太多想說的事,

實在... 太對不起關心我的人, 因太耐沒給你們看我的近況呢!!!

請大家放心, 我很好, 大少對我也很好,

就是為了新屋, 我地兩個經常周圍去,

找找合適而又價廉物美的傢俬回家, 累透了我, 辛苦了大少,

可是一看到漂亮的佈置, 我倆也會由心到笑出來呢!!!

好, 還是說說這陣子的我, 嚐了多少美食, 想推介給大家吧!!!

^-- 突然好想食叻沙, 公司同事便提議一起到 "加東" 試試,

星期六當值的只有三位同事, 加上我, 四座位剛剛好,

由中環行到上環, 抬頭望過去, 才發現很早以前, 便跟大少來過試對面那間,

只記得好好味, 但同事們決定試這間, 便不再加意見了,

一看餐牌便輕嘆, 為何一碗粉要成四十大元, 算吧, 一心來到,

試試值不值也好, 答案... 普通貨色, 四十蚊, 我唔會再食, 等有下午茶先諗諗!!!

^-- 中秋節, 當然要食月餅啦, 好多朋友都知我不太好傳統蛋黃蓮蓉月餅,

冰皮月餅比較合心意, 但最令我有興趣的, 還是雪糕月餅,

公司舊同事送來雪糕月餅, 快快嚐一嚐, um... 好好味呀, 因為其實食梗雪糕嘛!!!

^-- 我和大少去到深水埗, 通常有兩個選擇, 一係食豬潤麵, 二係食雲南米線,

今日來一個新嘗試 - 劉森記麵家, 主打竹昇麵!!!

^-- 為何新鮮鵝腸沒有肥膏呢??? 那我們為什麼要俾三十蚊食它呢???

還有自家制辣椒豉油, 為什麼不辣的???

^-- 蝦子雲吞撈麵, 雲吞麻麻, 唯獨是蝦子撈麵值得一讚!!!

^-- 蝦子水餃撈麵, 水餃唔得, 亦只是蝦子撈麵可取!!!

大少話沒下次, um... 確是雷聲大, 雨點少, 而且深水埗有太多其他選擇啦...

^-- 小巴黎越南餐廳, 對它有點情義結, 不是十分喜歡,

但碰上有, 又會毫不猶豫地入去, 不明白, 不明白...

^-- 咖哩牛腩飯, 好味, 但太少薯仔, 勝在牛腩炆得夠腍, 咖哩汁送飯一流!!!

^-- 另柯打一客蒜茸包, 點上咖哩汁, 味道一流, 簡直絕配!!! 哈哈哈哈...

^-- 生牛肉粉, 呢樣係我去任何一間越南餐廳必點項目,

湯底夠濃, 牛肉雖薄, 但份量也不算太少, 配上金邊粉,

加埋生辣椒粒, 一齊入口味道無得頂, 連湯喝掉更加好, 正!!!

^-- 最後才上枱的什錦拼盤, 春卷加香茅雞翼也算得上好食,

但賓海和炸魚餅就麻麻啦, 不過五十幾蚊, 食齊咁多樣, 都已經好滿足啦,

食得好開心, 大少你話係唔係呢??? hehe...