又一超值package

經Travelzoo e-mail promotion, 我兩公婆又去了兩日一夜嘅澳門遊, 今次又係好抵, 事原今次間酒店係二月全新裝修完, 所以就有個咁抵嘅package promote 吓, 以前根本無留意呢間酒店---華都酒店!!

個package $1400 包二人來回船票, 碼頭至酒店接送, 二人buffet dinner + breakfast, 豪華客房一晚...酒店其實好近碼頭, 一入到reception 已經覺得感覺好好, 所有嘢全新裝修, 四周都好寧靜好舒服, 因為真係無咩人, 我地四點幾去到, 抖咗一陣就去食佢嘅buffet dinner,果然不錯, 絕對值回票價, 環境好舒服, 服務好週到, 我差不多試哂所有甜品, 好飽好飽...跟住佢仲有個職員到每枱客人玩啤牌遊戲, 我地又中埋奬, 送多一晚二人buffet dinner, 食完我地就返房休息, 間房好舒服, 我地足足瞓咗12個鍾, 因為近來返工都好累, 真係籍此relax吓, 第二朝起身就去食個buffet breakfast, 最後一點check out, 去咗漁人碼頭行咗一陣就搭船返香港了, 全程除咗package$1400, 我地一蚊都無用過, 係咪好抵呢?

其實去之前已經同好多親朋好友講過, 去完返嚟更加要推介吓啦!!