澳門BB遊

一年兩日, 我地兩口子去咗澳門探小萱萱, 佢啱啱滿月, 佢好得意, Engel話佢成日都鍾意瞓覺, 啲朋友嚟探佢, 幾嘈都係咁瞓, 我同聰去到, 佢啱啱起身, Engel話我地真lucky, 我抱住BB係咁攪佢隻腳仔同面珠仔, 好攪笑...佢好乖, 無喊, 玩咗十五分鍾到, 佢就喺我懷抱中瞓著咗, 我抱咗佢半個鍾已經好累, 所以做媽咪真係唔易呀!! 聰淨係望吓同掂吓佢隻腳仔, 都唔敢抱佢, 佢驚粗手粗腳唔小心整親BB, 好攪笑...我成日聽人講, 通常啲惡男人都係俾自己個女治到, 好錫BB, 等我第時都要生女先...哈哈!!

你睇吓BB幾乖乖!

我攪極佢都唔喊, 真係好cute架!!

我地逗留咗個半鍾就返去婆婆度, 三舅父特登早收工車我地去氹仔食飯, 我地去咗好出名嘅誠昌飯店食水蟹粥同炸墨魚丸, 仲有蝦, 鱔, 鮑貝同蜆...好美味...多謝阿姨!!

之後舅父就車我地去遊車河, 得登途經路環即張開幕嘅威尼斯人渡假村, 果然好大好靚, 遲啲一定要住番晚試吓先...

遊咗一陣子車河, 大概十點半返到屋企沖涼, 舅父又揸車出去買宵夜俾我地食, 佢同姨驚我地唔夠飽, 買咗好出名嘅緬甸咖喱角同肉絲油撈麵, 好正...聰食到停唔到口, 食飽睇左一陣電視,可能太累了,不久便入夢了!

第二朝我地九點便醒來,肚子仍感覺滿滿的!就像一條蟲躺著,靜靜的享受一個好relax既上午!歎下歎下又到正午時份,又再一次勞煩舅父帶我地到午膳去,接過姨後便前往三盞燈的地道緬甸餐廳,特色食物如椰汁鷄麵,魚湯粉,撈冷麵,咖哩飯...品嚐過後,我地便啟程回香港了!

藉此多謝阿姨同舅父的照料!...快d黎香港請您地周圍食正野啦!