三日假

今朝一早老公就返工, 我送完佢出門口, 我又瞓唔番, 於是就想打吓blog...今早老公又肚痛, 都唔知點解佢啲腸胃咁差, 真係擔心死人, 不過大概係佢'後生'時啲飲食同生活習慣實在太差啦...but...dun worry...等我呢個內子兼專業女護士喺以後嘅日子幫你慢慢調理番好啦...嘻嘻!!

一連三日放假, 天氣實在太熱, 根本唔願出街, 就連結婚戒指有得攞都未去攞住, 聰話俾金鋪keep多幾日, 唔駛我整唔見,實在太睇少我,我啲嘢出咗名整齊, 絕對唔似你...

唉...倒數仲有三個月先放大假, 近來返工真係好辛苦, 我又唔似老公咁返三日就放一日, 就算一連三日假都好似好快就過咗, 不過最近都收到個好消息, 下年年頭好大機會會轉做permanent,強積金可以轉做公積金, 做多幾年就有廿八日假(時間過得好快), 眨吓眼, 連埋做student, 我已經入咗行差唔多十年, 慢慢喺ward嘅排位已經由最細嗰個去到而家嘅中游位, 阿爺成日同我講唔好再以為自己好junior...哈哈...點解咁忙?就係好多時都要幫埋啲細嘅, 佢地student training唔同我地以前, 學唔到好多嘢, 到upgrade咗一下子要適應嘅workload同節奏對佢地嚟講係好吃力,我都覺得好慘!! 不過有時佢地做嘅嘢都幾嚇人...

呢幾日放假我做得最多嘅就係同Keroro 嘅好朋友Liuchuchu 打wii, 我地嘅新歡game----釣魚!!