生日,入醫院...

當日,同餅餅去左紅磚屋一間有機餐廳,嘆緊個午餐之余,奶奶來電告知,周身唔舒服,

想入醫院,當時問左奶奶如果係支持唔到,立即打三條九呀..

但係,奶奶要我們渣車回家接佢去院,無所謂啦,橫掂我地放假,又得閒,

立即渣車出長沙灣,接佢去院..番到奶奶家中,見佢坐係ＳＯＦＡ到,

都唔係太嚴重,立刻送佢到院,等安排見醫生,照Ｘ-ＲＡＹ,驗血等等...

原來有發燒呀,要留院觀察...

其實,奶奶病左都有二個星期啦,都係Ｄ老人病,再加上佢班麻雀腳,

都係老人家,病的病,走的走...令到奶奶悶了好幾個星期...

我地又小左陪佢,只有星期日可以出去陪佢打麻雀,

加上我打八圈就頂唔順,好倦...

其實,做人定要有寄託,唔係真係好悶,有兒女的,大左佢地飛走,

只有身邊的伴侶可同你白頭,始終老來只有你自己,要為自己將來打算,

建立一些自己興趣,好好保養自己既身體,最為重要一生.

所謂,生日,意思係生命原素慢慢減退,一步一步步向天堂.

因此,需要慢慢豐盛自己,享受及珍惜余下既日子.以免浪費....

多關心,愛護身邊所有的東西,這是我生日其中一個願望,

另一個,當然係希望,父母及身邊的人與物,身體健康,順順利利啦~

近日,花園仔開了很多花,我估係祝我..花開富貴啦~哈哈哈...