Again

呢排放學都有個伴,唔駛一個人搭車咁悶^^

同佢都算係幾好傾,

記得頭個幾日,佢好似好驚我咁,

好似唔識笑咁(我都唔係咁得人驚姐,我咁nice)

吹左兩個星期,佢終於都識得笑喇!!

就係上個星期五,同佢講講下野,

突然聽到一把聲,忍唔住望左佢一眼...

我聽到佢笑住講野果巴聲,

點解會同某個人一樣既?

一路望住佢,佢一路咁講野,

我唔想佢停落來,我好懷念果個人...

到佢停左,我又再嘗試引佢笑,一次又一次...

再一次有人令我諗起呢個人,

仔細諗下,我已經好耐無再同佢聯絡,

已經無再飲參蜜,無再食7仔既碎蛋治,

但係一切一切,其實都仲係我心入面,

我唔知咁樣算係乜野,

可能只係一個完美既夢,

但係呢個夢太過真實,太過深刻...

點都好啦,我都會依舊去尋找果一聲笑語,

因為我咁做,的確係令我覺得好開心!