Toliet Training

盈盈自七至八個月開始，已開始認認真真咁進行Toliet training，13個月的盈盈，已經懂得在需要「大便」時通知媽媽，佢有時會露出一副「屎樣」，然後走來叫你，兼附帶「唔唔」聲，話你知佢要去便便。

早兩個月前，佢都仲係用痰罐仔痾便便，但自從一歲開始，佢可能發現自己大個女了，唔肯再坐痰罐，要學大人坐座廁！有時帶佢去廁所「小便」，佢見到掛在牆邊的小廁板（盈盈專用），便會指住個廁板仔，我地問佢係咪要「痾唔唔」，佢會點頭，又或者傻笑，咁即係佢想「大便」了，若果唔係，佢係會耍手擰頭的！不過，有時佢為左要爭取時間去玩，明明想去便便，坐低左無耐，放左個屁仔之後，就會從廁板中逃走！

整體來說，盈盈已經算係懂得控制自己的大便，好少再賴屎了，但有時太急，又或者掛住玩，或出左街無得去廁所，佢都仍然係會賴的，但大多數情況下，佢都識得自己要求去廁所了～

至於「小便」方面，差不多一歲開始，便定時帶佢去廁所「痾殊殊」，經過幾星期的訓練，現在盈盈都懂得控制自己的小便了。每次帶佢去廁所，同佢講「痾殊殊」，佢會乖乖咁點都痾ｄ（除非岩岩賴完），有時脫了尿片，未行到廁所，要佢忍住唔好痾住，佢都會乖乖唔痾住（初初training時，佢會在呢個時候賴的....），不過，佢仲未懂得在有需要小便前通知我們，通常都係我地定時定候帶佢入廁所，又或者佢在賴左尿尿之後，會扯自己條褲仔，表示自己痾左尿囉！不過慢慢來啦，我覺得佢可以初步咁控制到小便，已經算唔錯了！加油呀！