新年快樂!

2008年的聖誕及除夕，十分平淡，但又十分滿足！我和老公沒有出去睇燈飾，亦沒有出去倒數，其實這些人多擠迫的日子，我地都唔太喜歡趁熱鬧，往年都會選擇在戲院中度過，避過最高峰的人潮！而今年，因為盈盈的出現，我地選擇在家中一齊倒數，一家三口靜靜地度過！很平靜，但很滿足！

自從有了盈盈（由懷孕開始），所有生日願望、聖誕願望、新年願望等等，都不外乎係：「願BB及老公健健康康，每日都開開心心」，但我近日發現，我原來遺忘了一個人，就係我自己！我唔記得求天主賜予我身體健康.....

今年除夕前兩天，我竟然病了，發燒了，四肢乏力，連抱起盈盈都有困難.....為免傳染給盈盈及老公，我只好全天候戴著口罩，盈盈望著我時，一臉疑惑，好似唔太認得我.....我又唔敢行得太近佢喎，個種感覺原來都幾難受.....所以平日諱疾忌醫的我，都主動去睇醫生了！我同自己講，一定要盡快好番！

好彩，2009年1月1日，我已經好得八八九九，仲好乖咁去睇埋中醫，務求根治病患！踏入新一年，終於可以用返「真面目」視人，最重要係，盈盈終於認得我啦！唔再用疑惑的眼神望住我啦！嘻！

所以呢，今年的新年願望：「我希望盈盈健康成長，老公事事稱心，一家三口都要健健康康，平平安安，融融洽洽！」如果可以容許我再貪心一點，「我希望所有親友以及我認識的人，都同我地一樣健康平安及開心！」若可以再貪心D：「我希望世界上所有人都快快樂樂，健康平安！」.........其實都唔係好貪心之嘛....都唔係要大富大貴，只係要健康平安之嘛～嘻嘻！

主佑！

好可憐....被迫同盈盈隔離！嗚....

盈盈真係太多玩具啦！你睇佢玩得幾開心！
希望新一年，佢繼續開心、健康、平安地成長！