BB重左喎~~

2008年9月22日（星期一），這天要帶BB去健康院做第一次既檢查！我一直都以為，同BB磅重係好簡單，只要將佢放上個磅便可以，但原來我太無知啦！原來磅重係要將BB既衫仔同尿片都脫掉，然後先放佢上磅......好彩今日媽媽陪我一齊去咋，否則我肯定雞手鴨腳，最怕就係BB會在呢個時候痾臭臭，咁就肯定大大鑊！！！

至於磅重既成績，BB好叻叻呀！只有11日人仔，就已經重左差不多一磅，由初出世時既3.005kg(6.6磅)，增長到3.42kg(7.5磅），姑娘都忍唔住要讚下佢！姑娘話，一般嬰兒出世十日左右，只會回升到佢出世時既重量，因為嬰兒出世後會收水，收水便會減磅，然後先會再增磅，但估唔到阿B已經重左一磅，好叻呀！BB，你要繼續加油，養肥自己呀！

另外，姑娘仲話BB好白淨添，一點黃都沒有，姑娘仲讚BB好可愛呀！我雖然唔知道姑娘係咪見到每個B都讚可愛，但作為母親既我，聽到人地讚自己個囡，就真係好開心！原來做人阿媽，見到自己既BB健健康康，眼仔碌碌，就算湊B好辛苦，但都已經好心滿意足～

已經有個雙下巴仔啦！