091105 小說《屬靈屬世》第61集

　　使：「除非他的女兒嚴淑德肯公開地要求嚴長老向你道歉啦！」

　　俊：「這樣和求神蹟沒有分別。SUKI平日這麼循規蹈矩、對父母和長執恭敬有禮、談吐又大方得體，簡直係嚴牧師訓練下的最佳製成品呀！即使所有TPPEC會友會這樣做，她都不會這樣做。何況現在我有求於她，所以不要作這種不切實際的奢望了。

　　使：「不要說不可能，在神凡事都能。依家嚴牧師最得意弟子子傑哥都企係你個邊啦！SUKI未必完全無可能。你可以嘗試祈禱求天父幫助你。」

　　俊：「或者你說得對，我嘗試向天父祈禱求他幫助啦！」

　　使：「唔好意思！明天我要返講道會，今晚傾到這裡，88。」

　　到06年05月07日星期日早上，文俊如常返教會參與崇拜；但是直至崇拜開始，他仍然沒有看見Sylvia出現。到崇拜完結之後，文俊看見Sylvia的身影；但是她的身影隨即消失於人群中。他詢問當天負責簽到的弟兄，原來Sylvia是崇拜開始之後才來到參與敬拜。當崇拜結束之後，她才匆忙地離開。文俊感覺到Sylvia像有意避開他似的。

　　到中午Sylvia到預先約好的餐廳與SUKI共晋午餐，席間SUKI將文俊說過的話和邀約她的原因告訴Sylvia知道。之後問她：

　　「Sylvia呀！妳對我或者對文俊係唔係有甚麼誤會呀？」

　　森：「SUKI呀！有個問題我希望妳老老實實答我，七年前當妳爸爸趕文俊出教會之前，妳有無鍾意過文俊呀？」

　　德：「我都估到妳會問依個問題。事到如今，我都無謂呃妳。無錯，妳估得啱；但係已經係七年前的事情啦！依家我同佢都只係當對方係普通朋友咋！佢鍾意的是妳呀！」

　　森：「妳真係當佢係普通朋友咁簡單？」

　　德：「梗係！點解妳會咁問？」

　　於是Sylvia將星期二晚上在女洗手間裡執拾SUKI的手袋時看見的東西告訴SUKI知道。事實上SUKI早已估計到Sylvia會因為這些物件而誤會自己仍然深深地愛上文俊，於是將事件的始末告訴Sylvia知道，目的是釋去她的疑慮。當SUKI詳細解釋清楚之後對Sylvia說：

　　「依家妳明白哂啦！我唔係好似妳所唸咁鍾意文俊架！」

　　森：「但係......」

　　德：「既然妳仲驚，我就同妳玩個遊戲，如果妳贏咗！我答應妳只要妳同文俊係埋一齊。咁即使我唔揀交警思、即使無弟兄鍾意我，我都絕對唔會唸文俊。但係妳要應承我以後唔好再誤會我同文俊。」

　　森：「咁如果妳贏咗呢？」

　　德：「如果我贏咗，我畀自由妳自己決定點做。但係妳要記住喎！即使妳同文俊分咗手，我都未必會同文俊係埋一齊喎！」

　　森：「點解好似妳贏仲著數過我贏，不過我都想聽吓點玩。」

　　於是SUKI將遊戲玩法和規則告訴Sylvia知道，並且和她協議在怎樣情況下SUKI為之贏、怎樣情況下Sylvia為之贏。最後SUKI對她說：

　　「嗱！遊戲玩法同規則我已經講完喇！妳自己唸清楚玩唔玩嘞！不過妳要記住，當妳決定玩個刻，無論贏定輸妳都要遵守諾言喎！」

　　森：「其實我有少少驚，但係為咗安心。好！我就同妳玩！」

　　到晚上，SUKI致電邀約文俊星期一(08/05)晚上吃晚餐。到星期一晚上，文俊很早便來到預先約好的餐廳等待SUKI。到晚上七時正，SUKI來到餐廳，她坐下第一件事便問文俊：

　　「你使唔使咁心急呀？我約你七點，你六點半打電話畀我？」

　　俊：「人地想快點見到Sylvia嘛！佢今晚來不來呀？」

　　德：「佢話今晚唔想來，因為佢怕聽到一些好唔想聽的答案；所以佢托我幫佢問你。」

　　SUKI隨即點菜。之後文俊即時問SUKI：

　　「Sylvia有甚麼問題想問我呀？快點問啦！」

　　德：「佢叫我問你，佢有甚麼優點，你會鍾意佢呀？」

　　俊：「又係這些老套問題。佢人靚囉、容易知足、無機心、唔會同人爭、文靜、成日幫助人、這些都夠啦！」

　　德：「但係你覺唔覺得我同你的聖經知識好過佢好多呀？」

　　俊：「咁又點啫？我都唔介意。」

　　德：「但係佢可能介意喎！佢可能覺得你成日需要教佢，攪到佢好似哂你時間咁，但係我的聖經知識呢就可能幫到你嘞！」

　　俊：「我唔覺得喎！無錯，妳的聖經知識係我見過的姊妹之中最好的；但係問題係妳的聖經知識全部都係妳爸爸教出來。妳知道我同佢有幾南轅北徹架！如果將來我同妳結婚，我怕到時妳同我嗌交多過幫我呀！Sylvia就唔同喇！我講東時，佢唔會講西；我講南時，佢唔會講北。我相信佢係我將來最得意的弟子呀！又點會哂我時間呢？」

　　德：「好！依個問題當我可以幫到你答覆佢。咁到第二個問題嘞！你都知我曾經攞過烹飪比賽冠軍啦！理論上我的廚藝應該好過Sylvia。你唔希望將來結緍之後，每日都試到太太的好手勢咩？」

　　俊：「想！不過Sylvia依家的手勢好好呀！我都好滿意。而且妳都知架！我一向對食物都唔講究架啦！求其有得食就全部擺哂落肚，妳記唔記得個陣時團契大食會，妳仲話我唔識得欣賞妳的手勢添！依方面交警思講究好多嘞！所以妳的廚藝一定符合到佢的要求。」

　　德：「夠嘞！夠嘞！知你幫得朋友嘞！成日提住佢。」

　　這時SUKI點的菜已經來到，於是SUKI品嘗她的晚餐。那時SUKI的手提電話響起，文俊看見SUKI拿著手提電話說：

　　「係邊？同你個好兄弟食緊飯囉！不過佢已經食完，依家睇住我食囉！」、「好呀！等陣。」SUKI便將手提電話遞給文俊說：

　　「你的好兄弟交警思搵你呀！」文俊拿過手提電話來說：

～待續