為仔仔而煩惱

Issac仔8月6日正式升上幼兒班(K1),現時已經三歲三個月大,佢成長的每一步都好重要,最近我正苦惱緊佢有無需要讀名校幼稚園,為佢鋪路讀名校小學,中學.....事實上,做一個成功人事,名校係唔係必讀呢??D斷期間,BB唔識選擇,假如我幫佢選擇得唔好,將來佢條路會好難行......每個父母都想自己的子女叻過自己,我真係唔知點做好,噚晚仲發生咗一件事,令我覺得好大壓力...........

Issac爸爸噚晚係屋企,佢同BB玩玩吓,BB突然講咗一句:"你咁寸!!"當時爸爸問佢講咩,BB再重覆兩次D句說話,佢好明顯係無意識到自己講錯說話,爸爸亦唔知點同佢解釋佢唔可以咁講!!之後爸爸要出街,BB竟然又講多一句:"你又冷街??"爸爸聽到都呆咗...........

以上發生的事都關係於所有家庭成員的身教,我唔敢講自己好有教養,但係我自問自己唔講粗口,但係BB都試過講D好粗鄙的粗口,而屋企成員都無人講過,D個問題係唔係又關乎學校學生的背景??名校又會唔會出現D咁的事!!我BB咁早識潮語對佢又有無益呢??三歲定八十,D個關口我應該點教好個仔??

各位大人,你地點睇??