飛輪海音響失靈清唱考工夫

　　前晚陶、關淑怡（Shirley）、飛輪海、F.I.R、盧巧音及范曉萱等均為Wild Day Out的表演嘉賓，Shirley以一身黑色性感短裙配太陽鏡出場，並一邊唱歌一邊擺出風騷誘人姿勢狂電樂迷，她帶笑的說﹕「大家夠唔夠High呀﹖知唔知我作用係乜﹖就係要你情緒高漲咁睇騷，我冒住走光危險喎，點解無聲﹖係咪我太老，令大家唔夠High呢﹖」

　　 之後她又因唱《夜迷宮》時入錯Key而要求樂隊重奏一次，她說﹕「邊個排譜﹖排到亂晒﹗呢真係Live Show至睇到。」事後Shirley才為大會解釋，指風太大而吹亂了歌譜。問Shirley何時開個唱﹖「仲同李進傾緊，我知紅館就快裝修，我認為機場博覽館唔錯，對歌手同觀眾都新鮮，但係李生就嫌太遠，無所謂啦，仲傾緊，況且都未必一定同佢合作。」

　　至於3缺1的飛輪海，雖少了腳傷的炎亞綸    ，但他們一出場即引得Fans們高呼狂叫，他們還邊用講東話向大家問好之餘，還請現場歌迷暫時代替缺席的亞綸，逗得Fans們十分開心。但當他們唱到《只對你有感覺》時，襯底音樂唱片突然跳，最後他們決定清唱，雖然沒有音樂，但Fans們一樣受落。

　　陶出場時已表示下次一定會帶自己的樂隊來一起玩，唱過數首首本名曲後，大會便大放煙花以示是次音樂會圓滿結束。與肥姐稔熟的陶被記者問及有否探望肥姐﹖「無呀，費事打搞佢休息啦。（欣宜    入娛樂圈喎，你會唔會幫佢﹖）幫到一定會幫，不過我都未聽過佢歌。（咁你覺得欣宜形象點呀，有無潛質入行﹖）我知佢瘦，但係我認為唱歌最重要都係歌藝，我相信如果欣宜遺傳肥姐咁人見人愛同有幽默感，就一定會成功。」

　　另外，盧巧音（Candy）及F.I.R.出場亦引起了哄動，因Candy穿得十分性感，令人眼前一亮。而F.I.R.的女歌手阿Faye則與緋聞男友阿沁拖手合唱，甜得大家叫好。