口金包

好耐好耐之前，我見好多鍾意整手工的Blog友都轉玩整口金包，

當時我都好想學人整，但又見學一堂(2小時)材料連學費要$400大元，

只做一個口金包，實在太貴，唯有放棄唔玩！

上個月某日，我響某書店裡面，發現有教整口金包的書($108@)，

內裡款式又多做法容易之餘，又附送紙樣，真係so good呀！

呢個就係我的第一個慢慢一針一針做成的製成品，

雖然效果差D，但我都好開心，因為終於做到我的口金包，

最開心材料費都唔駛$30呀！

真係要讚下自己，口金框後的線位，收得好靚呀，嘻~嘻~嘻~！

我會繼續做多D唔同款式的口金包，盡量用到本書殘為止，哈~哈~哈~

可能有人會覺得口金包好婆仔款，但我就好鍾意，

只要用的布料新款D，顏色搶眼D，就會靚好多啦！