聖誕長隆之旅 (Day 2)

尋晚軒少肚空空訓得唔好, 今早7點鐘就起左身要落去酒店樓下食早餐啦~ 今朝驚左, 冇再俾奶佢飲啦! 餓到暈0既佢食左唔少野, 粥粉麵飯樣樣齊. 食飽飽終於有番d精力, 可以0係等上車時0係酒店內周圍影下相, 睇下酒店入面0既白老虎~

到10點半又上車出發啦, 第一站去蜜蜂園睇蜜蜂同買蜜糖, 不過軒少又好攰咁, 聽聽下人地講野就扭計要出去喇! 中午食飯軒少又係扭眼訓 (呢兩日次次食親飯都一係扭眼訓, 一係就未訓夠), 又哭又鬧, 俾我鬧完都係咁, 叫左碗麵俾佢又唔食, 要俾人地食埋去, 唉, 真係鬧到氣都冇埋! 食完飯就搭左一個鐘車去"百萬葵園"睇花, 呢度都幾靚架, 好多花睇, 但又唔係好壯觀, 都影到唔少靚相0既~ 葵園仲送左一個薰衣草香包, 一杯薰衣草雪糕同一隻雞脾俾我地添~

葵園係我地0既最後一站, 之後我地就搭左兩個鐘車返番去落馬洲, 再自己過關返hk喇. 今日搭左勁耐巴士, 真係搭到我地勁悶呀! 連一向鍾意搭車0既軒少都嚷著要落車! 返到屋企7:30pm, 即刻食晚飯, 之後餵軒少食野, 點知佢又唔肯食, 胃口仲未恢復, 要一邊喊住一邊食, 真係可憐!

經過呢兩日一夜0既旅程, 真係好要我命呀! 軒少大部分時間都要我抱, 老公抱就喊, 吹脹! 搞到我成日抱住佢行好遠路, 我條腰同手臂都痛到傻呀! 唉, 再加上佢又扭計又病, 真係好好好攰呀! 雖然係咁, 但成個旅程都有開心0既地方, 而且只要同軒少一齊過, 就好開心架啦~

一早起身去醫肚~ 終於識笑返喇!

又去痴下晴晴妹妹先~

我地間靚酒店外貌~

唔靚的聖誕樹~

好得戚的樣子~

咁多禮物, 唔知有冇我份呢?

今次我同lion & panda合照都唔驚啦~

酒店內竟然都有白老虎, 好兇猛呀~

百萬葵園內食雪糕~

見到呢d卡通擺設, 軒少並唔係上去玩, 而係企埋去/坐上去影相, 一影完就落番黎, 哈哈~

向日葵好靚呀, 今日見唔到太陽都識得轉去一邊, 好神奇~