31/10 南華 vs 傑志

我又唔係南華fans, 又唔係傑志fans. 都唔知點解呢場會入場睇球. 可能因為早兩日新聞透視個香港足球既節目吧. 不過, 以一個中立球迷, 入場影下相, 都係唔錯既節目. 同場見好多師兄師姐入場影相, 一枝枝大炮都好搶眼, 好吸引.  

老實講, 傑志既球員真係唔係好識. 只係上次新聞透視話佢地引入巴塞打法, 以西班牙外援為重心.

我遲入場, 入到場傑志已經贏緊一比零. 所以所見到都係南華主攻多dd. 不過, 比較兩隊既組織, 傑志打既小組的確比南華好, 雖然南華係好多機會入波, 但傑志贏2:1都算合理.

因為對傑志d球員唔熟, 下面d相都係以南華球員為主.

南華巴西外援卡尼祖.

上半場一次疑似12碼, 球證無吹. 我幅相影到龍門隻手係拍到卡尼祖隻腳.

另一個巴西外援雷文, 我諗佢都幾大壓力. 因為好多人話佢表現不乎身價.

不過, 其實佢都幾落力下.

問題係佢係外援, 人工又高. 人地對佢期望自然高.

20號 - 巢鵬飛個名幾特別. 應該唔係本地人.

今場影得最多既係18號郭建邦, 無他既. 佢最fit, 最多波踢. 而且佢進攻又近我坐果邊看台.

佢都幾快下. 下面走起來表情都幾肉緊下.

佢同對方後衛大鬥法.

下面呢次進攻, 佢好似被推跌. 球證今次判12碼. 反而呢次係唔應該. 後面球員其實攤開晒手無掂佢.

係佢自己踢唔到個波跌低. 球證咁判可能係補返上半場無判個12碼.

南華10仔 - 歐陽耀沖.  20歲仔比佢著10號. 睇來球隊都幾睇重佢.

連續幾張相, 單對單邊線出波.

傑志球員真係唔係好識. 不過, 其實佢地每個都打得好落力.

最後贏球, 自然要向場邊既fans答謝.