湯馬斯結婚DVD

昨天，去了德福同Sunny及湯馬斯lunch。

我地去了KFC食炸雞，好熱氣，不過好好食。席間，湯馬斯給我他結婚時的DVD。多謝哂!因為係我叫佢比我的。原因佢結婚，我係第一次做兄弟的，所以我點都要番一隻DVD留念。

晚上，我番到屋企就開那隻DVD睇。

睇番果日D片，真係好正好好玩，氣氛又正。

其實，自從參與過這次湯馬斯的婚禮後，我每次去飲或者睇別人結婚的錄影時，比較起來，我總覺得湯馬斯的婚禮好多事安排得比佢地任何一個婚禮好。

我咁講並唔係因為自己有份做兄弟，而係湯馬斯結婚前，好多事湯馬斯早已經好好安排，我地只是執行他的指示。再加上兄弟姊姊都同心合力、又玩得等種種因素。所以我覺得這次做兄弟是好開心的。

早陣子，我女朋友的2位朋友先後結婚。

第一個係3月時，我女朋友擔任伴娘。之後，我女朋友同其他朋友一齊去睇結婚相同錄影。見到那班兄弟幫手接新娘時 "司司宿宿"咁，講野又窒口窒舌，玩又唔得投入。睇碟那一刻，真的想破口大罵。我想都係我地(湯馬斯結婚時的兄弟姊妹)好d。

之後是上個月，我女朋友擔任姊妹。在飲宴前夕，那班兄弟沒有做野，又沒有好好安排入座，令到要加開2席。點知，每席都係9個10個人，沒有1席是足12人呢(原先是16席，之後加多2席合共是18席)。之後，最搞笑的是新郎向部分姊姊(沒有我女朋友在內)發脾氣，說她們沒有好好安排座位。如果佢同我咁講，我會串番佢"你d兄弟廢架，你自己應該一早安排好的"。

不過，我都唔再話別人點唔好了，因為我女朋友曾經話我唔好再咁話人地，佢話我咁講野令佢覺得好討厭wor，ok!無問題!係佢ｄ朋友有問題的，唔關我事！！！