難得同媽咪行街街~~遊沙田市廣場~~

今日唸住去幫我朋友買個化妝袋既緣故，

加上好似都好耐冇同媽咪離開荃灣、葵芳走走，

所以就同媽咪一齊去咗沙田市廣場逛逛兼食晚餐!!

我當然第一時間去咗無印良品幫個朋友買化妝袋啦!!

仲買到我自己學校要用既嘢添~~正呀!!

呢度只係少少嘢!!買嚟過吓口隱咋~~

(由於相機啱啱無電既緣故，

冇辦法同我D戰利品影番張大合照添~~嘻嘻~~)

於是到咗食晚飯時段，

沙田周圍都係人，有時真係唔係好想行嫁!!

於是就去咗一間唔使等位既餐廳，

其實個度D嘢都唔錯，服務又好添~~

唔知點解周圍要等位，但係呢一間就唔駛呢???

唔....我唸可能因為價錢比較貴嘛!!

不過都唔係成日食就算啦!!

媽咪好攰嘛....唔好等囉....

係一間係在地下叫做Parkview Restaurant!!

呢度D套餐每個都要百幾蚊嫁!!

所以我唸D人會揀吓先囉....

加上又未真正都食晚飯時段嘛~~七點啫!!

其實我哋走既時候都有好多人係外面排緊隊嫁!!

我哋都未點嘢食，佢哋就先嚟兩個餐包~~

上面嗰個無見過餐廳提供過，不過好好味呀!!

睇吓我媽咪食得幾津津有味就知喇!!

一D攰氣都冇哂囉....

之後點完菜，就嚟一個菠菜忌廉湯做餐湯~~good!!!

好鍾意盞燈呀!!好有園林feel呀!!

跟住再嚟一個有機蔬菜沙律~~正呀!!

好味道!!好想要多一客添~~

呢個美國有骨豬扒配濃芒果汁係我點既....

個豬扒未曾食過咁厚.....好有肉感，

仲有D芒果配埋，好正!!

再加上賣點:有機蔬菜，好似好健康咁囉!!

呢個好似係海鮮....汁焗飯...忘記了全名!!

當時我哋揀係因為佢個名夠特別!!

媽咪好彩話D嘢都OK，

因為媽咪好怕食到D飯好硬，難消化喎~~

其實有時我媽咪都好識食嫁~~家中既第二位食家，

第一位就梗係我個妹妹啦!!

最後就點埋餐茶同埋甜品~~~可以點橙汁...正呀!!

不過個件tiramisu就麻麻地喇....

可能我一來唔鍾意嗰種味道，二嚟又溶溶地添!!

所以我都唔想再食，

但係我又見到好似有其他甜品，

於是我就問個靚仔侍應!!

佢居然話:「你唔鍾意食呀!!

我俾另外一D俾你試吓呀!!」

哈哈....好呀!!

今次嚟既就真係正好多好多囉........

服務超滿分呀!!!

一送就送多兩款俾我同媽咪~~~真好人!!

終於走喇!!在餐廳外面居然有一個咁得意

既景象~~倒轉咗既房間!!

當我企坐係到你哋就可以睇得更清楚喇!!

我唔咁企得咁近影呀!!

因為外面有個牌好似寫住係慈善攝影~~

唔知係咪要俾錢既呢??

原來呢度都有個立體既運動、馬術館

俾遊客可以入去影相嫁....

不過當我哋去到既時候，

其實已經派完最後一場既門票囉....

唯有有機會再嚟囉.....