手指滑板

早幾日哥哥係電視見到一新玩意 - 手指滑板,

於是哥哥又心思思, 問我有無細既車輛,

其實屋企已經有廢紙箱/ 廁紙筒/ 膠樽.......但呢樣真係無,

今日就同佢係文具店搵到,

佢不知幾開心, 返屋企就即刻開工,

用左紙箱既卡紙, 氣水管, 竹簽, 膠紙, 就整左呢架 - 手指滑板,

呢隻係細佬既 "小手" -

兩兄弟一人一架, 都係哥哥整既....

整完車車, 哥哥又係到唸點整個 "飛台"...

又係哥哥最近既新攪作 -

佢瞓上格床既, 佢話呢樣野可以運送 d 野上去, 唔駛成日又上又落

其實哥哥都幾有創意, 我都唔會阻止佢,

但我知有 d 家長好怕小朋友整呢整路, 覺得成屋都係 "垃圾",

趁佢地返左學就掉晒佢,

但我一定會得佢地同意先會掉佢地 d "傑作", 而且會要佢自己執 - 呢 d 係尊重,

有時係大人眼中既 "廢物", 可能係佢地既 "寶貝".......

所以我家中都有好多 "寶貝" 家

如果哥哥可以將呢 d 心思比多少少係讀書方面, 我就更開心啦