三歲啦 ^____^

眨下眼, 你已經三歲啦! 今年媽咪估你都幾開心, 連續兩日慶祝. Sunday 先去婆婆家預祝, 到正日又有媽咪爸 B 陪你去沙灘游水. 不過去婆婆時, 你真係曳曳, 同表妹爭玩具, 仲要郁手拍表妹. 雖然我都知小朋友爭玩具好正常, 媽咪細個時同姨媽都爭唔少, 但郁手點都唔啱. 所以媽咪爸 B 都即時教訓了你一頓. 幸好你都知錯, 還向表妹道歉, 但似乎這種情況日後都難免, 只好耐心地慢慢教你啦.

替你預祝生日時, 媽咪爸 B 還買了你最鍾意的 Tamama 蛋糕 , 表姐還好用心地畫了一張好靚的生日咭送給你添

到了你的正日, 爸 B 媽咪還特意請了假陪你去清水灣游水. 今次真的要多謝 Florence姨姨提議了這達地方, 因為在家附近便有小巴直接前往. 另外, 幸好當天天氣不算太熱, 間中還有雲. 不過你也曬到成隻黑豬仔. HAHA . 雖然媽咪今次唔可以陪你落水玩, 但見你同爸 B 玩得這麼開心, 媽咪真的覺得好開心.  晚上還有姑媽和嫲嫲一齊為你慶祝添