我唔要你 :(

昨晚澄澄你突然說了一句 :[媽咪我唔要你呀  ] 說畢後便獨個兒走到門口, 唔出聲 , 個樣還很不高興. 媽咪問你發生咩事, 咩事唔開心. 你又唔講咩事. 只係話 : [我唔要你呀.] 媽咪聽到真的好心痛 .

媽咪回想過去幾分鐘發生咩事. 有兩個可能性. 係咪因為媽咪叫你係嫲嫲屋企瞓 (因為媽咪咳得好利害, 唔想傳染俾你, 所以想你在嫲嫲屋企過夜 ) 另一個可能性就係, 媽咪坐係sofa 時, 你要坐上媽咪大脾. 還企上媽咪大脾上.這時嫲嫲說不要整親BB, 所以媽咪便抱開你.

之後在回家時, 你一直都唔肯俾媽咪拖, 又話唔要媽咪, 媽咪同你講: [媽咪生你生得好辛苦ka, 你話唔要媽咪, 媽咪真的好傷心.] 但你聽後依然無動於衷, 自己行. 望著你的背影, 心中真的酸溜溜. 幸好你還會回頭望望媽咪 . 媽咪心諗: [究竟咩事令我這個囡囡如此不歡 ?] 媽咪只好提議在公園等爸爸回家, 因為爸爸亦剛剛在回家途中. 媽咪想看看爸 B 有冇計仔讓你說出心底話. 見到爸 B 後, 雖然你亦有跑向他, 但就沒有好似往常一樣雀躍, 睇來你心裡還是不開心.

回家後, 媽咪故意讓爸 B 與你好好傾傾. 雖然最終你也沒有說出原因, 但你與爸 B 都玩得好開心. 心情似乎好了很多. 媽咪真係估唔到原來一個三歲的小朋友都會有這種情緒變化. 睇來日後亦會遇到這些問題 .