2009年3月19日至22日 新加坡之旅

期待以久的旅行終於成行啦, 你亦係第一次坐飛機. 但媽咪實在太冇用啦, 好似小學生去旅行咁, 緊張到成晚瞓唔著  . 19 號那朝早上零晨五點幾, 仲有隻雀仔在窗外叫過不停, 睇來隻雀仔真的怕我地趕唔切班機, 牠不停叫, 直至六點幾我地叫你起床為止. 牠才肯飛走  可憐媽咪真的成晚冇瞓過. 我地今次要乘9:10am 班機.

收拾好行裝後便出發前往機場. 臨出門口時, 嫲嫲還特意前來睇你. 但你這隻衰妹竟然怕嫲嫲會抱你走叫嫲嫲走 . 去到機場後, 你不知幾開心  話晒都係第一次, 見你個樣真係好開心.

之前一直怕你會在飛機上出現不適, 幸好亦無多大問題, 而且還睡了一會, 媽咪亦在機上睡了一會, 可惜亦因為這一睡, 媽咪病倒了．可能因為媽咪成晚失眠, 加上在機上的冷氣, 所以．．．唉 . 雖然媽咪唔舒服, 但亦唔想破壞成個假期, 所以只好頂硬上.

落機便立即前往酒店,今次入住的酒店係 Shangri-la rasa sentosa resort. 這間hotel o既環境幾靚. 可惜 D service 麻麻. 去到酒店後你第一件事就係要去沙灘玩.  仲要玩到唔捨得走. 離開沙灘, 乘 suttle bus 出去食晚飯. 就在這時見到酒店附近的草叢中竟然有猴子出現. 之前曾特意帶你去城門水塘去找猴子都找不到, 但今次竟在這兒見到 

到了第二天便去你成日都話想去的動物園, 你還開心到扎扎跳跳, 還跌傷佐隻腳仔添.

不過前往動物園的車程真係幾遠, 幸好個公園都算大, 都值得一去  

之後我地在這兒睇海獅表演, 仲俾海獅搞到成身濕晒

原本一心來餵嘢食俾長頸鹿食, 怎料, 我地沒有零錢, 最終都冇得餵. 不過幸好都可以近距離睇長頸鹿

在新加坡o既第三天, 我地去了海底世界. 在海底世界中, 起初你還大著膽子說不怕那些大魚, 但當身處在海底管道時，每當有大魚在頭頂游過, 你就怕得攬住媽咪爸B.

離開海底世界, 便到了海豚樂園. 睇你睇得幾入神 hehe

之後的景點係Sentosa 的最南端, 八卦o既爸B 話要去檔殺

到了下午我地前去另一達地方品嚐肉骨茶, 爸 B 為了今次的旅程可算搜集了不少飲飲食食的資料, 可惜媽咪這次因為感冒, 失去佐味覺. 全程可算是無味之旅. 更好味的食物放在眼前, 都不知其味.唉 !

晚上原本爸B 話帶我地去食海鮮, 可惜有雷暴還下著大雨, 因此才回酒店. 回酒店後已經沒有下雨, 而且還同你去泳池游了一會. 可惜最後亦因為雷公公出現. 所以只是游了一會. 媽咪見你很失望, 正想著如何安慰你. 於是便同你說 :[ 嘩....我地可以在雷公公來之前, 游了一會兒水, 真的好啦...] 你聽後果然開心番. hehe....

新加坡的第四日亦係最後一日. 今日o既節目亦係你最愛的 -- 玩水玩沙

你睇你離開時個樣 HAHA  幾唔捨得．