2007年11月29日 祉澄終於戒甩了

現在己經是 2008 年 1 月 2 日, 相距祉澄戒人奶已有一個月多D, 相信祉澄今次真的戒掉了母乳, Yeah! 我終於可以甩身了. 唔洗再擔心戒食蝦蟹, 刺激性食物 hehe (平時無辣不歡的我,但為了要餵母乳真的要忍下口,無辦法啦,因為我已為人母) 因為每次食任何食物之前都要諗這些會唔會對祉澄有影響呢, 病可唔可以食藥呢(雖然醫生都話對祉澄影響不大,但藥始終係藥,始終唔想祉澄都吸收埋). 但這些一切一切都已成過去了. YEAH YEAH!

回想過去做奶媽的日子, 確實有苦有樂, 樂當然係每次見到祉澄食飽奶後在面上浮現出一種滿足的表情.看見她在懷中食飽後睡得香甜的樣子真的覺得更辛苦也是值得的.

而苦當然係在頭兩個月, 真係極之疲累.記得在祉澄剛剛出世後頭七日在醫院的日子.第一日因為麻醉藥未過,所以緃然好想立即抱下bb餵佢食奶奶,但都有心無力.只係單憑老公拍下的照片看看這個初生的祉澄.到第二天終於可以落床了,但由於祉澄係緊急開刀,所以都依然要住在加護病房.只係在日頭時前去加護病房餵奶,這亦是媽咪第一次在一些唔識的人面前坦蕩蕩地餵奶,確實有些尷尬.

開頭兩個晚上因為你要留在加護病房,所以眼見其他媽咪都可抱自己的BB去沖涼和餵奶.心裡真的好羨慕.但後來才發現這兩晚我真的應該要好好休息來迎接期後地獄式的訓練.可惜頭兩晚我都瞓得不好.

第三晚我終於可以前去學餵母乳,因為醫院規定,如果決定用母乳餵哺的,必須要經過姑娘審視才可以帶自己的bb回自己的床餵.所以到了第四晚我才可以真真正正,帶自己的BB去沖涼和晚上帶番妳回床邊方便晚上餵奶.但我發覺真的好辛苦,因為你食極都唔飽, 每次正當以為你已食飽入睡, 想放你回床仔時,你總會睡一會兒便又喊醒.所以媽咪真係累到不得了.記得有一晚我更累到好似冇乜意識.聽到你喊後抱起你,但唔知自己應該要做乜,幸好只係維持佐幾秒鐘.自己之後回想起都覺得好危險.幸好没有傷害到你.

除了累 , 其實最慘就是谷奶以至乳線炎的日子, 真係痛得要命.痛了整整一個星期.那次經驗令我一度想放棄用母乳.幸好最後都挨過了.但就算讓我再選擇我也會一樣選擇餵母乳,因為它真的對BB 十分有益.而且抵抗力真的明顯高了, 是實上面對BB生病,真的寧願病的是自己.因為他們年紀太少了.