飯敍.

小學同學知道李老師胃癌, 於是由他發起聚會, 於上星期日我們便一起飯敍.

聚會地點是李老師住所附近的....嘉湖山莊會所,
我們約了下午12時飲茶, 之後在會所內活動,
有兵乓波, 羽毛球, 保齡球 和  打麻雀 ,
我參加了三樣, 沒有打麻雀, 因為我唔想用腦, 亦冇乜腦 (老).

很久沒有做運動, 打羽毛球呢樣運動最感吃力,
初時打了 15分鐘, 已經要小休, 真的冇用!

保齡球就海軍鬥水兵, 大家不相伯仲!

打兵乓波是最冇信心, 以前和老公人和兒子玩,
只有執波的份兒, 但今次和同學玩...滴滴仔, 都 ok 喎!!

在我們進行活動期間, 李老師約了朋友喝下午茶,
之後他到元朗買海鮮, 他買了...魚, 蝦, 蟹加餸,
他說那條魚叫 [方理  - 唔知有冇寫錯] 是好魚一條, 約兩斤多,
我都是第一次食, 經他講價後三百多元, 好抵食,
那晚我們肚內 - 真的滿載而歸.
我們原先計劃是請他吃晚飯, 但他堅持要 AA制, 他說咁先至似朋友!

李老師須然瘦了一點, 但精神幾好,
他現時和很多學生仍有聯絡, 而他亦..樂在其中,
他說他的朋友曾問他 : [成日應酬的學生, 會唔會悶?]
他的答案是, 有那麼多學生關心自己, 是自己的福份.
而我就覺得....是一種光榮!

試問香港有多少個老師, 學生畢業後, 再過幾十年,
心中仍記掛他呢 !