再次未完的水仙

噚日上堂就只做深咗花朵、花苞同反葉部份，另外記錄師兄要我哋喺屋企做嘅部份所需嘅色調咁又三個鐘，我比較好，返到嚟只做花莖同葱頭頂嘅嫩葉，carmen 就要做花朵、花苞、反葉分染、平塗反葉、花莖，但呢兩日又正值元旦，佢又節目豐富，時間都唔知點安排。

星期一又同書法同學寫字，今次寫揮春，師兄同部長師兄仲義務幫我哋買好紅色宣紙，兼喺字帖裏映低所需嘅字，然後逐個字放大在 A4紙再影印，又用揮春大小嘅薄膠片“界”四個圓形位置俾我哋練習用，真係一萬個 THANK YOU，練咗兩個幾鐘，楷書仲係馬虎過馬虎，另一個新同學就用行書，非常正，希望下星期可以繼續。