清明嘅時候miss咗n位朋友仔嘅電話..
真係唔好意思喇.
其中某位朋友仔係我有心唔聽嘅.
有心避開佢嘅..好似好衰喎..
接咗又點呀.聽住講嘅嘢..我都唔知可以點答.
答又唔係.唔答又唔係.
其實佢都冇乜嘢嘅.
但係見到就覺得好煩喇.
對住佢嘅時候.聽住佢講佢嘅廢苦之言.一個唔係問題嘅問題.唔係煩惱嘅煩惱
其實佢真係有少少曬命.
每當我哋坐埋一齊.無聊冇話題嘅時候.我哋就會講起佢.
一講..就唔停喇..
點解可以有一個人會有咁多嘢畀人講.
諗起都覺得會恐怖
我哋又唔係8婆..唔講人是非嘅..
但係.佢就係一個人見人講嘅人喇.
真架.!!
每個人都對佢有怨言嘅..
但係..
佢就成日話自己係一個人見人愛嘅人.
有時我真係覺得好矛盾呀.
我自問我做足FD要做嘅嘢..
但係.點解..點解呢個人唔覺得自己係有問題架.
真係.講起呢個人就火都嚟喇.
最叻就係喺男人面前.扮可愛.扮純情.
我哋冇人理佢嘅..
有時.我又會覺得佢好慘..
好似全世界都遺棄佢.得我理佢咁
當我哋幾個坐埋講佢嘅時候.
總會有人提出:如果叫佢同我哋一齊出街.唔好叫我呀..唔想煩呀.!
的確呀.同佢去街真係好煩呀.
好似畀人綁住咁.有佢講冇你講.
所以..
其實.我係米好衰呀.
人哋就係擺明唔LIKE佢.
而我..
我同佢都係FD嚟架..
我有時真係好想同佢講講關於佢嘅嘢架.
以佢嘅性格.又點會聽得入呀..
咁自我為中心嘅人.
算喇..我都係發泄下啫..
maylampaul 2008-04-07 03:13
朋友係好重要ka...
henryzhang33 2008-04-07 01:43
我只未来战士啊～～～