塔門 wild camp

復活節去左邊呢?!
行街, 睇戲, 食飯, 放覺, 溫書, 趕功課?!.......
咁悶架!!! 平日都已經係咁過架喇喎....
我地campus 復活節當然唔會留係屋企啦.....
我地決定要出去親親大自然 :)
今次我地係去塔門兩日一夜既wild camp!

    出發喇 ！！！＊

只係半個鐘左右o既船，就到左我地既目的地--- 塔門 :) 行多20分鐘既路程就到左我地紮營既地方...(路上o既風景好靚o架, 不過亦都好多牛屎.....好易中招, 要好小心咁行!)

好付出既弟兄幫我地清理牛屎.....

終於都安頓好lu :) 梗係要映返張大合照啦... ( 亞Hin真係好厲害, 連腳架都帶埋黎呀!)

之後當然唔少得就係玩啦!!! (好似掛住玩....都冇咩映到相tim......= =")
晚上有一頓豐富既晚餐---打邊爐 
有源源不絕的肥牛同丸 XD

  Alex 表演生吞肥牛 ?!?!

食飯之後, 我地有一個deep d 既時間, 我地玩左一個遊戲 叫Appreciation Game
大家都分享了自己不少既經歷... 真係彼此了解多左好多!! (原來亞 Tom 係好鐘意養寵物的XD)




係我地玩得好興起既時候.... 原來係同一個時間, 我地另一個營被野豬偷襲了///*, 佢唔單只整爛左我地個營, 仲偷左我地12包公仔麵, 一排麵包同一罐午餐肉 (係唔係好唔明點解野豬鐘意食公仔麵, 我地仲發現佢連味粉都識開-o-! )
之後我地諗住去個爛營到玩皇帝與丐, 玩玩下.... 當tintin話 "嘩!我贏喇!!" 個電筒突然爆左..... 仲攪到世豪受左傷!! tintin既音波真係好厲害!!!! 喱個營好黑仔... 所以我地最後都係決定早d訓覺了!

第 2 朝的早上.....

日出呀, 好靚... 不過得亞Hin 睇到, 其他人都在熟睡中 -o-
塔門真係一個好靚既地方....
 大家都搵左達好地方去祈禱同默想"

早餐時間有TinTin 同Candy 為大家準備....

你睇我地幾豪... 早餐食肥牛...相信完左個camp, 大家短期內應該唔想食肥牛住XD
但係都係好好味的.....

你睇Kenneth 食得咁開心就知啦!

食完早餐之後, 我地黎左一場 uno 大賽 :) 最後係世豪勝出, 新一代的uno皇呀!
食埋午餐, 就係收拾行裝離去了.... 時間真係過得好快呀...2日1夜既wild camp 就去到尾聲了....



回程途中, 大家都分享返今次wild camp既感受.... 真係好開心, 雖然只係2日1夜, 但係都有唔同既野一齊經歷, 真係一個好好既回憶.... :)

回程車上既大合照