叻仔

今日媽媽帶我去打針,當我仲細,媽媽是是但但拎一個袋都可以放得我落,不過依家我大個仔,媽媽仲未搵到一個可以放得我落的袋袋出街街用。

因為無車車的關係,媽媽要同我坐巴士,所以都約D時間係少D人坐車,唔好比咁多人見到呀嘛!哥哥由細到大都受訓練要"呢埋"在袋袋,而我仲細時乜都唔識就任由媽媽"舞",大D時要去街街好多時有人車,所以今次係我大個仔之後第一次坐巴士。

入袋袋好黑架麻,我當然唔肯啦,所以同媽媽糾纏好耐我先乖乖入袋同乖乖坐在入面,呢個袋袋唔係好夠大,但要瞓都得既,就係咁我就乖乖在袋袋等上車。第一班車太多人要等下一架,好彩真係少D人,上到車車,媽媽比我個頭頭出來,我都好乖架,一粒聲都無出。媽媽怕我暈車浪所以摸住我頭頭氹我瞓,雖然最後都有少少唔舒服,但都無嘔嘔,幾叻!!

上一次去診所係一年前,護士姐姐同我磅重後話我重左(依家6.2kg),緊係啦,我大個仔,又有食飯,當然重左啦,唔係仲得掂!!!因為我乖乖,媽媽奬我食餅仔又同我去行街街,買左新年衫比我地添,又同我去寵物店,之後先返屋企。今次回程,我都叻仔,唔同媽媽糾纏就入袋袋等上車,又乖乖瞓覺直至落車,嘻嘻!我係咪可以有十個叻呢!!!!!