澳門半夜遊

擒日放假,成日 喺 屋企上網及打機,諗住成日足不出戶,喺 屋企渡過,到 咗 夜晚 7:55 分,收到個 fd 來電,話佢今日做 咗 個大客仔生意,個客要佢夜晚將 啲 貨 攞 過去澳門交收,個客會包晒所有船費,佢驚自己一個夜媽媽去咁遠交收,唔知會唔會有麻煩,想搵多個人傍住,不過佢搵 咗 好幾個 fd 都無人肯去,最後就打 咗 俾我,我都考慮 咗 五分鐘至答佢去唔去,因為過到去都差唔多成十一點,一來一回就會好夜,而且第二日仲要返工。

好幾年無去過澳門遊,對上一次係兩年幾前同兩個 fd 澳門一天遊,再之前 嗰 次係三年前,自己一個澳門三天兩夜自由行~hehe......好好玩,好多 嘢 食,yeah!!一諗起澳門好好玩,又多好 嘢 食,於是我即刻打俾我 fd 應承佢,嗱嗱聲裝身出門,出到去港澳碼頭 9:30,10:00 有船,去到澳門 11:00,好快交收完畢就 嗱嗱 聲去搵好 嘢 食,周圍逛,諗住想去返以前 喺 皇都酒店附近間粥舖食好 嘢,點知又無開檔,行到附近見有間麵檔有蟹粥食,oh原來又已經準備打洋,最後唯有行番去新馬路一帶再搵,最後搵到檔開到零晨 2:00 嘅 (朱記麵檔),門口已經臭好香粥麵味,好香好想即刻食碗大碗麵,我叫 咗碗豬雜麵(豬頭肉+豬脷)$15大元, 我 fd 叫 咗 碗菜肉雲吞,$13有 5 粒雲吞,啲麵一啲鹼水味都無,我從未食過咁好味 嘅 麵,好想再 嚟 一碗,不過最後想再逛逛有無其他好 嘢 食,所以無再叫,最衰太夜,啲 舖收晒,如果唔係一定食飽佢~哈哈!!一路行一路搵車搭回程之際,俾我 哋 倆個見到街邊車仔檔有花生豬骨粥同腸粉,好多人幫襯,一定好好味,不過最後覺得好飽,所以無食到,行 咗 好多間酒店都無免費酒店接駁巴士返碼頭,最後就打的返去,2:30至有船,返到上環港澳碼,再搭埋巴士返家都成 5:00,今日又要 10:00 起身返工,不過真係好倦,鬧鐘響 咗 幾次我都唔醒,最後 10:30就自動彈起身先知出事,好在都趕得切 11:00出門口,返工無遲到,今日無驚無險又過 咗 一日。