開開心心洗洗洗......$$$$$$

           　我今日去咗太子聯合廣場同金魚街,都買咗好多新玩物,家陣 show 咗出嚟嘅就係喺聯合廣場買,包括有PATRICK COX 銀包,好抵買,原裝正貨都只售 $ 299,我之前買嗰個 small size 都要成六百幾,而隔離嗰張就係手機貼紙,係咪好靚呢?同我個斜孭袋簡直襯到絕~哈哈,仲有去咗金魚街買咗 1 隻 橙綠色青蛙女, 3 隻水魚. 12條紅灯魚,隻青蛙女非常跳皮,成日喺個魚缸喥跳出水面,要我成日捉番佢入去,不過最後我就喺魚缸喥,加個有蓋籬困住佢,到佢乖啲我就會放佢出嚟,等佢家陣自己一個面壁思過先啦~呵呵!!                         

夜晚就同阿 B.阿豬去咗尖咀食手打烏冬,同埋去咗 shopping,睇中咗好多嘢,有波鞋.衫......,不過最後就買咗件有帽衛衣,我同阿 B一人一件,不過就唔同花,成為 $ 249大元,今日洗錢洗得好 happy,皆因雖然我擒日同今日都係放假,不過今日下午就俾我做到一張電話外賣大大大大......單,so lucky,so happy,希望仲有更多大大大大......生意接踵而來,咁我就又可以開開心心過生日.過聖誕............