♥ １１ ♥

晨早９點，我同車生依照小小赤柱Proposal、
連同兒童樂園小簿簿出發
家＞觀塘碼頭＞北角碼頭＞赤柱！！

觀塘碼頭
以前爸爸0係觀塘碼頭附近上班，所以細細個成日去觀塘碼頭，
印象中0既觀塘碼頭，渡輪、漁民、海鮮、釣魚客、日落，
而家變得有點兒荒蕪，觀塘往北角渡輪現由小型渡輪公司富裕小輪經營，
入口人手收銀、候船室簡陋、渡輪陳舊、人影唔多隻，
雖不及尖咀天星身光頸靚，但感覺反而幾舒服～

赤柱大街／美利樓／卜公碼頭
到達北角碼頭，轉乘63號巴士直達赤柱，
赤柱廣場可遠眺美利樓＋赤柱卜公碼頭＋海景，
往下走，右面往赤柱大街，左面往美利樓＋卜公碼頭，
赤柱大街沿岸全部係洋化食肆，好似西貢咁好多洋人，
美、卜同樣係由市區移植到赤柱，
美隔離仲有來自旺角0既「同昌大押」石柱，
"美卜同"係靚，但畀我感覺就好似將老人家放入老人院咁，
阻住市區發展就移去第度畀人觀光，不過都好過一味拆0既～^^"

赤柱市集／泗益
行過赤柱大街就到達赤柱市集，都係一樣好多洋人，
睇一睇時間，已經２點，要醫肚，跟據OpenRice資料，
去搵"泗益"食0野，泗益位置隱蔽，一如網民所講服務態度欠佳，
不過唔緊要啦～佢個西多的確係好味道，凍啡都唔錯，
沙嗲牛麵就唔太ＯＫ，個西多有機會都想食多次！
舊赤柱警署
繼續出發！搵到著住"赤柱警署裝"0既惠康，
入面除0左保留一條木樓梯＋幾幅相，入到去完全感受
唔到以前警署係點，同一般惠康冇分別，好可惜。
香港懲教博物館
下一站香港懲教博物館，免費入場，展館超細，但細心睇
部份展品都幾有趣，例如：監犯收藏毒品0既心意咭、筷子，
越南船民自製紋身器、為陽具鑲玻璃珠0既玻璃手術刀．．．等
軍人墳場
最後一站軍人墳場，一如所料有攝友、被攝女、Cosplayer
日落西斜，冷冰冰的石碑染成橙黃色，景色宜人，
可惜我影0左幾張相就畀Ｄ蚊蚊食0左幾餐～
仲要滿天蜻蜓，好可怕．．．>.<



日落西山，我們懷著愉快的心情、拖著疲倦的身軀，依依不捨的回家了～

（下一個目的地：大澳）




畫0左三幅，得第一幅滿意
下次都係帶大Ｄ0既Sketchbook
兒童樂園小簿簿實在太細

同場加映
北角碼頭３頭冷漠可愛小貓！