♥ 馬交＋友 ♥

呢日一家４口（天上0既老豆一定會跟埋去啦～澳門喎～）加埋車生，
一行５人過馬交，主要係媽媽想玩老虎機，另外哥哥未0黎過，
呢次係我同車第三次0黎。

DAY 1
一到步，根據車厘車所提供0既貼士，走去搭往威尼斯人0既Shuttle
Bus，可以省過'乙水'仔0既車費。淨係0係威尼斯人都行0左２個幾
３個鐘．．．威尼斯人係就係幾靚，不過大得太過份了，腳都軟了。
黃昏６點，堅持要去公雞食葡國菜，最後不負眾望，
公雞0既「忌廉汁」依然係咁好食，媽哥姐都話正！
經過官也街，買0左罐榴槤乾，又係好正！
（如果唔係咁貴，我一定會成日買0黎食的T_T）
返到酒店哥哥姐姐都累了～於是我、車、媽３個人，
去酒店下面0既角子老虎機中心玩0左一陣，最後我同車都累了，
媽媽依然鬼咁精神。（情形就好似我通頂玩The Sims 2一樣）

DAY 2
食完午餐，出發去金沙，沿路又入0左星際，星際有好多南亞裔服務
小姐，全部都好Fit，身形好均勻，好羡慕呢！ 去到金沙，我地掉低
媽媽由佢自己玩，４個去行博物館，去到澳門藝術博物館，
見人影都唔多隻，我地就喪狂地影相．．．
後到賽車博物館，有點兒失望呢～太細了。
返到金沙搵媽媽．．．媽媽玩老虎機贏0左三千，笑到見牙唔見眼！
最後再過'乙水'仔買手信，快樂不知時日過，要走lu，返香港lu～～