8.31 灣仔 旅行團

今朝一早天啱啱光，阿媽竟然唔駛我叫，就自動彈起身!  見到佢Bing Ling Bun Lum 咁係度嘢入我個背囊度，就知一定有街街去啦！

話口未完，就聽到阿媽話 : " 阿囡，我吔今曰去灣仔旅行。"

Coco: "哦！過海去灣仔狗公園呀，都唔駛咁大陣仗，咁多嘢呀？"

阿媽 : "唔係對面海，係西貢呢嗰....  睇吓呢張地圖啦 ...."

哦！我記得啦，上次我重係度追牛牛同狐狸狗添。 

不過，今次我地唔係由黄石碼頭搭船到灣仔，而係坐旅遊巴從西貢市中心到海下，再沿海邊小路行到灣仔營地。

一車五十多人+ 狗嘅唐狗會大軍終於出發啦！

可惜我哋因為遲左到達海下，同豬豬仔仔一家就緣慳一面囉！

雖然係沿住海邊，仲有Ｄ樹陰，但係個太陽重係好犀利，行到我喘哂氣，跌晒條脷出嚟！天文台重話間中有驟雨，都呃人嘅！

行左半個鐘左右，就收到前面嘅狗地話 : " Hey!  大家行快Ｄ，好快就到小沙灘啦！"  話口未完，狗地就乖乖地排住隊前進....  排頭嗰個pat pat 係飯團，跟住嘅就係嬌嬌...

之後，係初次見面嘅"怕醜仔 - 太郎"...

接住，就係好叻女嘅" 二妹"...

嗱!  壓軸嘅，當然唔少得我地啦!  He...  he...

咦！点知行到出去....  個沙灘冇左喎！搞到狗地個個都唔敢落水！得個睇字！不過阿媽話又學識多樣嘢，就係出門唔單只要查天氣，重要查埋潮起潮落嘅時間囖！

唔緊要，重有第二站 : 大草地。

不過真係好熱，大家埋黎坐底，抖下先！

係時侯影番張大合照先...

抖到咁上下，出去曬太陽先

Coco : "Katy，呢度係咪好舒服呀？"   Katy : "係呀!"

Katy : "咦！Coco, 你阿媽揾緊你喎，好似話落沙灘游水噃！

Coco : "Hey, 放心啦！我地呢埋得咁密實，冇咁容易揾到嘅！

唉！話口未完，我已經被阿媽拖住行落沙灘。因為條小路行都幾崎嶇，阿媽就放左我，免得被我扯落去。 he...  he...  我當然一於三十六着，走為上着啦！拿拿霖揾個窿嚟卷...

但係都走唔出阿媽嘅魔掌....  始終都要完成暑假嘅最後一課 ---  游泳班！

唉！我終於初班畢業啦！

阿媽話我表現唔錯，重獎我 "四粒星"添！