超簡單．零失敗~~朱古力雲石蛋糕~*

7月9日

上次整左曲奇....今次又轉下口味.....整呢個蛋糕....
我其實好少整牛油蛋糕嫁....因為我成日覺得太多牛油了....
但係今日又想試下整....所以就決定整一次啦....
呢一個食譜已經好多人知道....亦好多人做過....
我覺得我整得無人地咁靚呀...>_<
下次試下朱古力既比例減少少...7:3咁啦....應該個花紋會更加靚....
下次又再改變一下落麵漿既方法....希望會更加有清楚花紋啦~^_^
呢一個食譜....男仔一定鐘意....因為係重口味....
老公豬...一食完就話正呀....我跟手就打擊佢 : 好多牛油先咁好食嫁咋^0^
你食得多會好肥嫁~~老公豬話唔緊要啦....咁好食~*

個雲石花紋都唔靚....嗚嗚....不過真係好食...嘻嘻~*

下面係未切開既樣.....個面頭係有花紋嫁~*

雲石蛋糕食譜 :

蛋糕模 : 18 x 8 x 6 cm

材料:

牛油                     100g
細砂糖                 100g
雞蛋                     2個
雲呢嗱油             2-3滴
低筋麵粉             70g    (另外預備 2tbs備用)
泡打粉                 1tsp
可可粉                 2tbs

做法:

1.牛油在室溫軟化後放入攪拌碗中, 用橡皮刮刀壓至泥狀, 然後用打蛋器攪拌至鬆軟
2.加入砂糖, 用打蛋器打至鬆軟呈白色
3.雞蛋打散後分2次加入(2)中攪拌, 攪勻後加入雲呢嗱香油
4.麵粉70g+泡打粉過篩後, 分3次像切東西般加入(3)中輕輕拌勻
5.將麵糊平均分成2份, 一份加入備用的2tbs麵粉, 做成麵糊A; 另一份加入可可粉, 做成麵糊B
6.用湯匙將麵糊A及B一小團一小團梅花間竹地盛入焗模中, 再用湯匙戳四個角落, 讓麵糊平均分散在角落裡, 然後再用湯匙在麵糊中繞一圈
7.將焗模向下 'dun' 幾下, 使麵糊中的空氣跑出, 用180度焗35分鐘

** 湯匙在麵糊中繞圈時, 最好能繞至角落, 花紋效果會好看些

小夢小小圖解 :

圖1) 將牛油用膠刮壓成糊狀
圖2) 用膠刮將牛油 + 糖拌勻....呢個動作可以避免牛油攪入打蛋器中....
        避免牛油黏著打蛋器....更容易控制打入空氣的目的
圖3) 好輕易便可以打起牛油.....大約打1分半至2分鐘....目的將空氣打入牛油
圖4) 加入蛋液拌勻...再篩入粉類
圖5) 把麵漿分兩份....一份加入可可粉2湯匙....另一份加入麵粉2湯匙
圖6) 先在焗模底鋪一塊長方形牛油紙......將白色麵漿鋪入
圖7) 再鋪可可味麵漿...如此類推
圖8) 用湯匙攪一個圈
圖9) 焗起左啦....個面頭都有花紋呢~
圖10) 用刀在四面界開.....即刻倒出.....放涼....如果唔係就會濕濕咁嫁啦~~
          因為有牛油紙....會好容易倒出來....又唔會爛....好方便的~*