網誌分類：詩．生活 |
我係一個脾氣差、無耐性、時時自制壓力既人
點解咁講????因為我真係脾氣差、無耐性、時時自制壓力囉﹗
嘻嘻~~~
最近情況更為嚴重...........一句說話已經可以令我起「槓」
就好似一隻箭豬，感覺有危險就豎起身上既刺
自從有病後，我就變得唔會輕易信任人
反觀其他同路人，佢地可以輕鬆面對任何事
哩一點我真係做唔到，反而比從前更執著
如果我覺得自己無錯，而你又話我錯時
我真係會同你撐過~~~然後會嬲幾日
唉.........真係唔知幾時會谷到爆﹗
有時我會諗，係唔係心理出現問題呢............
我會問自己咁樣算唔算正常???需唔需要去見心理醫生?????
我又會諗，係唔係最近比太大壓力自己呢??
諗起每個月既覆診，我會先想到「請假」
( 反而唔去諗會唔會出問題..... 其實咁樣都好﹗)
因為基本上每個月都唔止一日要覆診..........
之後諗搬屋，我又係計算要請幾多日假.......
雖然公司未出聲話我請得假多，但係好老實講我真係會唔好意思
平時返公司已經唔係多野做，依家仲要成日請假
人地請你返唻做野，並唔係白出人工比你架﹗
不過我除左覆診，其他請假都會扣返自己薪金
另外我真係非常無耐性
如果一句說話你要我重覆講幾次，我一定會發你脾氣
我老公就係成日要我重覆幾次，到最後咪「鬧交」囉﹗
遇到D有語言障礙既人，我真係恨不得摙死佢~~~~
講幾分鐘都講唔出佢既意思........絕對浪費我時間﹗
教 LONG哥做功課、讀書，唔係「你死就．係我亡」
見到佢喊我會更加失控~~~~情況好恐怖﹗
十一月好似有好多野要做，搬屋、朋友結婚禮物、考試.........等等
一諗起咁多野殺到埋身真係頭都痛埋
到後來決定放棄考試，膊頭即刻好似輕左幾斤
然後又諗朋友既結婚禮物如果遲一星期送比佢
其實問題不大，最緊要心意0者~~~膊頭又輕多幾斤
搬屋.........唉﹗既然傢俬要拖到廿幾號先送到，不如花心思去整其他野..........
之前我真係諗唔到解決方法，只係諗到「忙忙忙忙忙」
不停喺牛角尖內打轉、諗野唔識轉彎，結果差不多晚晚失眠、發惡夢....
我諗我既臭脾氣就係咁樣形成
我相信過埋十一月，完成手上所有工作後情況一定會有好轉
起碼可以真真正正咁休息一下，唔需要再擔心太多
IMG_3162.jpg
IMG_3161.jpg
IMG_3160.jpg
范教練 Fanny Fan 2009-11-08 18:22
我們腫瘤病人最重要的是不能受七情的影響!
你明白你自己的問題所在, 你明白你的問題繼續將衍生出的新問題, 那就應該坐言起行, 著手改善, 我們腫瘤病人真的不能受七情的影響!!!
一隻巢皮鴨鴨 2009-11-08 17:58
LuLu 2009-11-08 17:08
最近我嘗試放下凡事要求完美, 輕鬆d看人和事, 心情也開朗d, 身邊的人立即有回應, 說" 你好似開心咗, 有乜嘢事改變呀?" 其實自己想輕鬆d, 就可以發生, 一切是自己心態~
P FERRARI 2009-11-08 13:18
chi kwan 2009-11-08 12:05
對住個仔, 最容易扯火, 不過成日提自己, 個仔一定會學你, 所以都要控制下, 不過有時真係......很明白你的情況, 你重要一次過咁多樣野, 最後放棄考試都好, 試成日都有得考, 搬屋緊要好多
No one 2009-11-08 09:09
Hi CoCo,
我現嘗試打中文字和你溝通,你何能知道我打中文字會很慢,很慢...
發脾氣的大多數原因會是過份關心或緊張,你要知道凡事不一定是你所"要求"或"所想"的;你要去考慮對方(如:你的孩子)在他的程度/立場上是否會受到你的"要求"而帶來的壓力.嘗試在一個小孩的角度去思考他們發脾氣的成因,很可能會和你的很接近...
例子:
假設(1)你"要求"小朋友去做好他的功課,但他做得比較慢和字寫得不好,他亦承受著你的"要求"而帶來的壓力,他甚至於不懂得去分析壓力的因由是為他好,而他只好接受你的"要求"......你已用了足夠及配合他性格的方法去傳達你"要求"的因由嗎?...著急只會帶給你和他更大的壓力...讓一切的壓力由它的根源一步一步的醫治和康復吧...
假設(2)你的小朋友"要求"你買玩具,他的"要求"會為你而帶來一定的壓力,他絕對不懂得你承受著壓力...原因可能是不想花額外的金錢或不想他太多時間玩耍等...相同地...你已用了足夠及配合他性格的方法去傳達你"所想"的因由嗎?...
你所"要求"或"所想"的壓力其實主要來自溝通的問題,不是正常,不正常和須要心理醫生等...好好的生活...有空可給我電話...(852)51783384...Alan
muimui 2009-11-07 23:39
Hi coco,
明白妳的心情,身體有事,照顧家庭,為兒子學業,工作,現在搬屋又要處理很多的事...真是心身疲累...
有時情緒不能控制,出錯的說話,可能會令身邊的人難受...請嘗試禱告,父真能為我們減去憂慮和重擔...是真的..
mui mui
｡,:･ﾟ★CoCo★｡,:･ﾟ2009-11-08 00:04
SK 2009-11-07 23:07
可能要搵家燕姐幫手先得.......靜心.
放鬆D, 聽聽音樂.
｡,:･ﾟ★CoCo★｡,:･ﾟ2009-11-08 00:04
阿耀 2009-11-07 22:32
....您真係想變好？！但又身不由己，控制唔到，好嬲、好討厭、經常同家人朋友也不太融合.......
我以前一樣每樣嘢都是我啱晒，係人哋衰影響我啫，當年我脾氣相當大，輸錢、不合我心意的，通通發洩太太身上，就算婚外情都覺得錯在太太身上........現我改變了，但不是因我自己能力可以改變。
真心介紹一位全世界最好的心理醫生給您，每位給他醫治後都真心讚美他、歌頌他，他不收分毫，24小時 on call，任何人真心尋求他，都能徹底醫治，包括在人眼中無得救的癮君子、黑社會、死囚、或貧窮人、患病絕望的人.......每一人都可得醫治，只等候您敲門，就開門給您診治。
他是誰..........他是主耶穌基督
就算您不信祂，也可試祂是否真如我們口中，這樣能賜平安的 神。
下次當您無法寬恕他人，無法吞下去的時候，向耶穌祈禱，因不是您親身經歷，無法體會到祂的真實，我也會天天為您祈禱，努力啊！好朋友。
朋友
耀上
｡,:･ﾟ★CoCo★｡,:･ﾟ2009-11-08 00:03
一見你回覆，就估到你會同我講咩~~
Winnie Li 2009-11-07 22:21
性格嘅嘢有時好難改變嘅 ....
｡,:･ﾟ★CoCo★｡,:･ﾟ2009-11-08 00:02
愉臨 2009-11-07 21:33
｡,:･ﾟ★CoCo★｡,:･ﾟ2009-11-08 00:02
飛越彩虹 2009-11-07 13:53
講真我覺得睇心理醫生作用不大, 不如找朋友傾訴重有用得多, 我手術前後試過找臨床心理學家, 根本是一個對你不認識的陌生人在聽你傾訴心事, 對你全不了解, 更不知你真正的需要, 我次次去都喊到豬頭咁, 結果去到第三次, 我問佢點算好我成日都想喊, 佢居然話如果呢種情形再維持下去就會轉介我去精神科, 我頓時覺得呢個心理學家根本冇料到, 佢根本無投入去我的世界認真幫我, 我唔會信佢講既野, 我唔係痴線, 更加唔會依賴任何精神藥物, 於是我就冇再返去覆診
我建議你忙完之後要找些緩慢些的興趣, 訓練自己的耐性, 例如書法, 刺繡, 吊魚之類的活動, 令自己急燥的性情改善, 要一步一步慢慢來不可過急
｡,:･ﾟ★CoCo★｡,:･ﾟ2009-11-08 00:00
我成日都搵朋友傾架﹗一傾就嬲到狂講粗口~~~
其實我一直都有刺繡架﹗