琴晚因為James要上大陸廠跟個客,我就要獨力照顧盈盈豬
於事諗住差不多10:00pm左右,就發生左一少少既插曲,我個肚痛得好緊要
我好辛苦..........起初未知咩事,痛痛下原來肚瀉,瀉左兩次後好d啦
我估10:30pm倒,我同卓盈開始訓,我同佢講夠鐘要覺覺豬啦
啊~~卓盈又好乖真係自己走上床訓左係到,仲自己蓋被添,好抵錫^.<
我一走上床陪佢,我就聽到卓盈講左句令我唔知肚痛既說話:
((I LOVE YOU 媽咪))
我以為聽錯,無啦啦講?我就問I Love you媽咪?
跟住再一句既((I LOVE YOU 媽咪))又再次聽到
我好開心,當然我回返句((I LOVE YOU Jess))俾而個寶貝囡啦
我真係唔敢相信而個小朋友咁識講野tum人,果晚老公雖然唔係到陪我
但係都仲有個囡講句說話令我又開心,又唔記得左肚痛
說話既藥力真係勁!!


