食療~減肥專家1of 3地獄食譜1(地獄三寶)

（以下純粹個人經驗分享；減肥效果因個人體質因素而異，各位勿故亂嘗試。本人絕不負任何責任）

減肥人人既理由都唔同...有為媾女媾仔..吸引異性，有為身體健康。各式各樣。

以本人為例，曾經試過減肥有很多原因。有為媾女，有為無錢開飯，有為影結婚相。有為健康，有為不想與自己的靚衫說再見... ...但說到底減肥的王道始終是做運動。都市人做運動不熱衷而肥胖的問題。我相信絕不關懶惰問題這樣簡單。絕對是恒心，決心，信念這三方面有關。

在我心中，唔做運動既原因係。自己生活不正常。無定時。搵地方煩。怕煩。絕非怕辛苦。試過有幾次食減肥餐既時間內想行路番屋企。當做多少少運動。咁樣減磅會快點以及有效點。可是。那幾天收工在觀塘的工廠區內。在大埔的工業區內。凌晨三四點。隻眼因為畫太耐野巳經對焦唔到。在公司巳經攰到訓左幾次。盅左幾次眼訓。仲行？好似有Ｄ嫌命長既感覺。

以多次食減肥餐經驗。以我記憶所及。本人曾嚐試過三次吃減肥餐的經驗。在這裡和大家分享一吓。亦由每個餐的先後次序來列出。計食減肥餐減肥。相信我圍內的朋友一定無乜邊個夠我多以及有經驗了。所有餐吃的都是隋手可得。不是葯物。

吃減肥餐的難度來自份量。假若食品是容易預備的相信很多人也樂意吃減肥餐。最怕那些單位如＞＞香蕉"半杯",脫脂奶"一品脫"，牛肉"半安士"，胡蘿蔔"兩份"呢D模錂兩可的份量單位。基本上問你身邊所有朋友答得出正確及全部的人我相信不足五人。可以話係五十萬既題目來。

地獄三寶餐（以下純粹個人經驗分享；減肥效果因個人體質因素而異，各位勿故亂嘗試。本人絕不負任何責任）

首先第一個減肥餐就是地獄三寶減肥餐：
為乜食：無錢開飯；想型Ｄ
食既時候係幾時：1995年左右
果陣時21歲...初初出來做事...我記得係初初做完玉郎中心時期同自由人果段時間之間。果陣我仲記得係老友蘇耀邦先生攞左一期壹周刊出泥。題及--
邦：喂～小先生（邦與我當年的匿稱）有個地獄減肥餐喎。你成日話自己肥。有無興趣試吓？
我：有幾地獄呀？
邦：呢本書有三個減肥餐，其他果Ｄ都食好多野既。係最後呢個最易跟。減既磅數係最多。
我：係銀唔係呀？一係一齊食囉～夠唔夠薑先？
邦：好呀～！一齊食囉。
就係咁，兩條傻仔就走左去食"地獄減肥餐"鳥~亦是我這生人的第一個減肥餐... ...



地獄三寶餐單資料如下：
每天只食三餐。每餐只可以食一個蕃茄，一個橙，以及一個水煮蛋。
合共一天只可吃三個橙，蕃茄，蛋

此餐要連續食三日，中間不能吃其他與及不可喝有糖份的飲料。如你吃這個餐在星期一開始，食至星期三為之食完。禮拜四至禮拜日可以任食"任何"食物....包括高熱量高油份也沒有限制。

此餐食完三日之後一定要停。不能連續食用。
因為此餐單本人沒有留底。只記得是在壹周刊上看到。所以減的磅數可能略有出入
此餐一個星期只吃三日。以記憶一個月可以最多減三十磅。每個禮拜入地獄三日。最盡四個禮拜一定要最少停一個禮拜。

最後我好似食左兩個禮拜。食第二個禮拜巳經頂唔順。因為第二次食到第三日個口內巳經有Ｄ酸酸地既分泌。兼且個人時時都好肚餓。好辛苦。好似減o左十零磅到。那時好像由一百六十幾磅減到一百五十幾磅

以前食呢個餐有個步驟。第一先吃橙，第二吃蕃茄，第三才吃烚蛋；唔比落豉油。自己咁去分個先後係因為以味覺排列。先吃甜帶微酸味道的橙比較似開胃菜。第二吃酸帶小許咸的蕃茄似餐前菜、伴碟，最後吃少咸味道似主菜的烚蛋。每次吃完個蛋都有意猶未盡的感覺。但不夠也沒有辦法。只有狂灌清水。

之後的日子我也有再食多一次這個餐.那次正是在自由人...那一次是沒有錢...
但係呢個餐我個人認為過左三十歲唔好食啦.好似好有問題咁...後生仔都捱少少唔驚...大就無謂啦...所以到後期我食另一個地獄減肥餐一樣有效...下篇再分享..