醫院留宿（一）

10月31日-11月3日　（21周）

10月31日，……入左瑪麗醫院留宿一宵，嗚！

事緣是這樣，自從感覺到阿B的胎動之後，就開始好留意他郁動的次數。

點知，由10月30日當晚的11點左右，我就FEEL唔到阿B郁喇　＞＜

接著到第日返到工都依然FEEL唔到，而且中午開始，個肚仲有D痛……汗

係這個情況下，當然緊張同擔心，加上剛買落的胎心機，又CHECK唔到阿B的心跳！心情就更加擔憂，整日都心緒不靈。可惜，旁晚我有個訪問要急住過海做，惟有繼續頂住先！

好不容易終於挨到六點，完成訪問後，愈想愈不對勁，即刻打比老公求救。老公叫我不要過份擔心先，可能係我自己唔識用胎心機，剛好阿B又訓左覺。

不過，我真係好驚啊，於是急急腳由九龍塘番到灣仔鄧肇堅醫院看急症。一路去一路驚，係醫院分流站時，更忍唔住喊左出來TIM

到老公來到急症室時，我已經變左個淚人。

幸好，等左廿分鐘，就見到醫生。醫生一來就同我按肚，然後照超聲波，最恐怖的事，他照左一陣都搵唔到阿b的心跳。之後，再找左個姑娘入來，再照左一陣，先搵到，呼，有心跳，即是代表小b有生命,當下個心真係定一定。

但由於唔不知道什麼原因肚痛，加上懷孕初期又作過小產，醫生都是建議我入院，轉去瑪麗再觀察。

之後，白車就送左我地去瑪麗，幸好有老公在旁，個心先定D。暈

上左K9產房，姑娘／醫生幫我做左一輪檢查、抽血。總括而言，醫生說小B目前都健康，唔郁既原因，可能真係睡著又或者是踢得太細力，所以先FEEL唔到。至於肚痛，還是找不出因由，幸而沒有出血同穿水，所以都算穩定，不過穩陣一點，還是逃不過，要留宿一晚。

搞左成晚，成１０點什麼也沒有吃過，很累！

之後，老公係醫院CANTEEN關門，買左個飯給我吃，便要走喇，汗，他明天還要返早，一定累SS啦

其實，他都應該被我嚇壞，看到他在醫院時的表情，就知道他真的很擔心我跟小B，嘿嘿

老公啊，其實我一直都覺得我們像情侶多於夫婦，嘿，可能是因為我們閃電結婚，之後又閃電有左的關係吧，現在還像人家熱戀期般，好像少一點家庭的感覺，不過自從小B愈來愈大，嘿，我們終於有一家人的感覺喇！　呵呵！　我感受我同小B真的是你的心肝寶貝的說！！（續）