19W4D 私家照結構

10月23日

19W4D 私家照結構

汗，今日是同小B照結構的大日子，心情有一點點的緊張啦，不過好似豬仔說，我們要對阿B有信心先得！

好不容易才得到4點，起程到余家聲的診所，不，是余若昇才對！

汗，一入到房，醫生看一看我的磅數，52kg：「啊，陳小姐你好似超重wor，你比預期的磅數重左幾磅，不過唔洗減肥，好好控制食量就ok喇!」

暈，虾咪，我超重，明明早上去贊育例檢時，才50.2kg，汗，當值醫生也沒跟我說過重的問題，汗，肯定是私家診所的磅有問題，再者，我的食量一點也不多好不好，我絕對明白．．．．「大肚婆不是一人吃兩人份」啊，雖然我沒有計住每天是否有多吸收孕期所需的300卡路里，但應該只少有沒有多吧！

事實上，我的手腳也沒有明顯的大胖啊，跟沒懷孕前差不多嘛，暈！

不過算啦，或許我都胖在胸部、屁股，同埋阿B身上！

（坦白說，滿自豪現在的身型．．．．呵，超Ｓ身材！可惜生完會打回原形，我唔制啊！嗚）

好吧好吧，超重就超重，反而之前成日被奶奶說我不肯吃東西，刻薄她的小小孫，現在還好，有醫生撐腰，不可以再迫我喇！

大肚婆嘛．．．唔想食係唔迫得既！

說回小B的情況先

余家聲說，小B一切都好正常，（放下心頭大石！）汗，手指齊、腳指齊，無兔唇，心臟正常（心跳一分鐘150幾下），看到脊椎、各大小器官成形，嘿嘿！　最後當然還要問BB的性別啦，雖然9月照OSCAR已經知道是仔仔，不過今次當然要double confirm啦，「係，係仔仔來啊！嗱嗱嗱，依個就是菇菇呢！」

暈，小B的菇菇真的出現在瑩光幕的畫面上！其實，仔女都無所謂，真的！　最緊要是健健康康就好喇！

另外，今次還親眼目睹阿B打拳，汗，手仔非常有力。真係超級搞笑，

今次我地仲錄埋DV拿來留念，大個比留阿B睇，感覺應該會很奇妙吧！

自從感受到阿B踢踢之後，我簡直就係母愛發作，日日都情不自禁摸住個肚，阿B一踢，就忍唔住大笑，耐D唔踢我，就擔心到暈左，成日都捉住豬仔，要他幫CHECK BB的心跳，不過踢得多，又怕BB是不是唔舒服，鬼咩，網上又有報導指BB踢得多、發脾氣，又可能是缺氧的徵兆，暈！　

骨肉相連，不擔心才怪，這些憂慮．．．真係為人娘親先知啊！

！！不過．．長此下去，也不是辦法，我真係要relax d先得……

到時產前抑鬱就Ｓ火～～～呵呵