半夜訓唔到起身寫blog

　　今日12:30返到office，諗住做到11pm返屋企，點知6pm後會冇人係office，者係冇人鎖門，我又冇Key，咁者係局我走啦，同友人係附近睇左場戲，食個晚飯吹下無關重要的事。結果都搞到12點幾先返到屋企，Check email睇下網頁再打下機，點幾鐘上床訓，唉眼光光。

　　最近有個開PR公司的朋友想搵我一齊開一間新公司，咁係我八掛之下去左佢office聽佢做presentation，平時就我噴口水講點有得做，今次都係第一次聽人present。一聽之下，唔明羅，對我來講大方向過頭，我一D都興奮唔起。散會時就話一星期之後先決定去唔去馬，不過我朋友表示無論我答覆係點佢都會照去馬。一星期過去，我地再討論起依個project，我好老實咁問有冇詳細少少的內容，佢話唔會諗得太詳細先去馬。我諗左幾秒，我話咁我好難去馬，我份人比較要有實在的計劃先有信心去做。同時，我問自己，唔通依個世界生意人都係咁去做生意？我朋友做得比我成功，我又未算有成績，係依個時候我只可以睇，希望我朋友表演一次比我睇生意係咁去做，等我可以學下野。我唔係黑心想睇住佢去死，我真心想佢依次都成功，亦証明到我真係諗得太多啦。

　　又話說上星期開會，會議中的人都係老闆，討論的話題係係一次到某集團開所謂賽後檢討時講到來緊有咩會作方案，該集團代表話想搞個club。我仲諗緊咩club呀，想點club法時，我身邊的Partner就已經係咁講idea，聽下聽下，咁耳熟呢個Idea。冇錯係初時未成為partner時我向佢present過的project，我仲記得比佢ban到一文不值。今日有辛該集團有興趣實行，係完會時我地離開左之後我就提起個idea咪就係我之前同你present過羅，"係，我知係你個Idea。"，我諗是旦啦，有機會實行都算係好事。做proposal總係要提到分賬，我問到咁點分法呀？要點寫呢？回答大意係 "Idea係唔值錢，何必咁計較呢，到真係實行先再去諗吧。"。依家感覺就係，你寫晒點做先，有幾多寫幾多，到時分幾多就睇心情啦，快D寫啦喎。

　　商場之上，每人都對佢地自己建立的公司或者品牌好有堅持。我都唔例外，我都唔想自己建立的東西比左人或者所謂的"食左"。係心態上我都未平衡同分別到利害關係，做野要防人又要向前衝真係好高難度。每當我的手足，手下同我講 "我覺得你未來幾年應該會發展得好好" 我都好想問點好法呢？邊一方面？何以見得？因為連我自己都未望得清楚，好可能旁觀者清都唔定。但係都冇問出口，因為問出口比人覺得我串緊人，事實上我係真係想聽下佢地的睇法。

　　今晚計數出糧比helper，打電話比每個help問下戶口號碼咁，其中一個突然問起 "點解今次活動唔我我呀？"，我話 "今次係冇人工出，我唔知大家義工做唔做喎"，helper回應 "點會呢？有時間冇人工我都會幫手喎"。實情就係負責搵helper的人同我講冇人工冇人做喎，那那那，有估怪，睇少眼都唔得羅，聽日要問清楚到底個對話係點先？何解係180度的反應呢？

　　某online電台突然打比我 "我有個同事係負責節目安排，佢叫 elaine，佢依幾日應該會打比你睇下來緊有咩合作可以做。"，"好喎，睇下有咩可以幫到你手，多謝晒先"。對話完左之後，我都未回到神係發生緊咩事，突然好期待有新的發展。

　　係08年發生左好多事，首先係quit左份工開始學人搞野，之後不停咁有新野試，收入未見比打工好，亦唔知係唔係發展緊呀定係白做緊，年尾時先驚醒係依幾個月做左好多野，都同唔少機構合作過，開心係未有不愉快事件發生，有D仲好似幾friend咁。新年就到，係時候做下行野，同各方合作過的人同公司講下生意興隆呀咁，搞下關係希望咁多位大佬來年都會射住下細佬，記得留返D Budget同我一齊搞下新意思呀咁。

　　比自已的期限唔多。如果今次唔理想，好可能要為自己生計好好打算 ( 始終唔可以要2老成日擔心我 )，搵份安穩的工，好好過活唔再搞咁多野啦。我自問屋企環境好好呀，有屋住，唔等我錢開飯，又唔駛供樓，安安份份打份工，餓唔死。所以我覺得先可以咁安心搞野，多謝晒Daddy同Mami A_A。