神州後傳之大俠傳奇俾我先睹為快！

昨日，小威前輩同老馮過來香港辨事，順道o黎鋪頭探我，話題自不然去左佢本新書神州外傳之大俠傳奇度，咁o岩佢地有哂成本書o既打稿o係身，梗係要先睹為快啦，嘩，得喎，真係做得幾靚，可惜只得普通版封面，冇沙筆特別版封面睇，真係有d吊引！



睇完第一期內文，感覺老馮真係好好心機寫，可能拍住師傅小威，多左幾分肉緊，呢對師徒組合，果然有料到，除左主菜正之外，配料都唔錯，好似序都搵左十幾廿個人寫，個個都好有份量架(除左我)，例如有：馬Sir，上官小寶父子，牛佬，狄克...........好多好多........費事爆哂出o黎啦，自已睇，會有意外驚喜架！


副刊仲有溫瑞安專訪，小威前輩個爆炸性專欄，漫畫論壇，第一回係講馬榮成，內容係同馬榮成算賬，嘩，當初我接手份稿寫插圖o個陣都幾驚架，咁敏感o既題材，會唔會出事架，不過佢同馬Sir o既關係，絕對夠資格講o既，敬請留意！


仲有大俠送大禮超級大抽獎，第一期原稿連埋三個封面手稿送哂俾大家，仲有100個幸運大禮，真係超級大手筆，絕對絕對要全情參與呀，正.............


咁好機會，第一時間同小威前輩訂左50本，要有佢地兩個簽名留念o既版本，獨家發售，由於數量有限，有興趣o既朋友，快d聯絡我勒，密切留意，下星期四，11月12日，大俠傳奇隆重出版呀！