小劍仙IVAN出現動漫節？

一年一度o既動漫節完滿閉幕了，最後一日趕得及帶呢位外地貴賓去參觀呢個畫壇盛事，佢..........就係Blog壇紅人IVAN勒！


星期二倒屎咁早起身，趕落灣仔同佢食個早餐，跟住殺入會場，諗住朝早冇咁多人，點知都係人山人海，行完玉皇朝，再去天下，始終冇辨法迫到入去買o野！

成個行程，唔係得個睇字，都有幫襯o既，奇怪係一個超級漫畫迷，竟然唔係買漫畫，而係買紋身圖案手袖，真係搞o野！


更離譜係周秀娜呢個雪糕妹o既寫真集同摟枕都冇買，咁，返到上海點樣渡日呀？

行左半日，要返鋪頭開鋪勒，輪到第二個Blog友接力，呢個咁艱巨o既任務，就交俾超級大力Blog友勒！


夜晚，再約會IVAN打邊爐，原本約左黑鬼德，可惜因有事辨未能出席，狄克要趕稿又o黎唔到，雙羸......肥龍.........靚女Blog友統統行唔開，最後竟然o黎左個8號風球，真係意想不到！


最後，呢個爐就由興豬同大隻Blog友陪住JVAN黎打，飲飽食醉後，大家亦各自踏上歸途勒，而IVAN動漫節之行，亦到此為止，而家下佢已經返番去上海，繼續佢o既生活，我亦繼續我o既忙碌，早抖！