網誌分類:電影及電視劇集 |

暫時睇到第10集(因為台灣仲播緊..)
都係貫徹台劇的作風
熱鬧非常,但又帶點婆媽
但我又真係鐘意睇呢D喎~~~
相比<轉角遇到愛>
我覺得這套比較好看!
(但首要條件是,
你一定不能是討厭楊丞琳的!)
因為在劇中開始時
楊丞琳的大爆炸頭同高九度的聲音
真的教人有點兒那個....
假如你接受的話,便沒有問題了~
但較我眼前一亮的
當然是劇中飾演賈思樂的
藤岡靛 (Dean Fujioka)
勁有玉木宏的味道~~~ > 3 <
同時精通多國語言
(日語.英語.國語.廣東話)
係劇中,佢講國語流利到完全唔覺佢係日本人!!!
超讚呢~

真係正到冇朋友!!!








冷心 2008-12-02 10:41
我都追緊
應該就黎大結局....
不過我唔太滿意個劇情.....
上一集預告唐門係賈思樂昏迷既時候同佢講
如果佢醒返願意將小花讓俾佢
賈思樂後尾醒返, 小花因為唐門既冷漠對待
又好似想同返賈思樂一齊.....
事實上賈思樂係對小花好好,
不過愛情呢樣野唔係對一個人好就一定會相愛.....
另一方面, 小花阿嬤為左唔想俾小花知道身世
竟然斷送小花既幸福, 要小花放棄唐門
自私之極.....
唉.... 不過偶像劇就係咁架啦....
話時話, 賈思樂楂緊車果陣執戒指導致撞車
簡直同流星花園3道明寺既劇情一樣.....
咕咕廉與爆炸比2008-12-04 01:33
已經大結局左啦!!!
個結局都係預料之內...大團圓結局...
其實台劇D情節黎黎去去都係咁...
(但唔知點解又會睇... = - =!!!)
可能我本身鐘意賈思樂多D,
所以我對個結局唔太滿意...
不過全劇有幾多感動位~
都算唔錯啦~ ^ - ^
fansn 2008-11-16 00:32
套劇幾好睇 ,
內容很豐富架 ~
初時以為係純笑片添 ~
未睇過玉木宏 D 戲架 , 佢最正係邊套劇架 ~
介紹一下呢 ~ ~
最近我都係睇緊台灣劇 ,
不過舊 D 既係 " 惡作劇之吻 2 " ...
文戲多 D 既 ~
咕咕廉與爆炸比2008-11-17 00:17
其實玉木宏D劇,我淨係睇過''交響情人夢''呢~
但真係好好睇架~前排無線有播架!
" 惡作劇之吻 2 "
因為我不太喜歡女主角的關係...
所以沒有追看囉~
另外''換換愛''也不錯呢~
你可以留意一下~