健康院檢查

今朝餵完Ryan食奶之後第一站就要去健康院做檢查

去到健康院第一個指定動作緊係磅重

我已經好醒目地幫Ryan除晒衫之後幫佢換張乾片

廢事又俾姑娘話

點知放佢落個磅到之後

姑娘竟然問我換咗片未

咁我緊係答佢換咗啦

原來姑娘覺得Ryan重磅

以為我未同佢換片

心諗我已經醒水架啦

仲特登換咗張片先

磅完之後答案係.....................19.8磅

勁丫! 姑娘都話Ryan係大隻仔

好彩最後姑娘都話Ryan無超重

仲話Ryan坐得好好

不過可能比較重

所以反轉身之後無咁快學識反返轉頭喎

去完健康院之後第二站就係去診所打針

上星期因為打風關係無帶Ryan打

點知今個星期都係打唔到

醫生話Ryan有D鼻倒流又有幾聲咳

驚打完針之後發燒

到時就唔知係因為佢病而發燒定係打針後發燒喎

所以要食藥等佢好返先打得

無計啦! 唯有等Ryan好返先再打啦!

之前健康院俾咗几本小冊子我

入面講解關於BB應該幾時進食糊仔之類食物

入面寫明六個月開始俾BB食糊仔

點知姑娘話我做咩咁遲仲唔俾糊仔佢食

好彩沉晚我用Spoon餵過Ryan飲蘋果汁

總算試過唔用奶樽用其它用具餵食

返屋企前去咗百佳買咗盒Healthy Times米糊

有好多網友都話呢隻牌子味道OK而且又有機

所以呢! 今次就試下呢隻米糊

試味中

沖咗30ml米糊...全部食晒....不過餵咗1粒鐘