BeJoyKiのCook Together

某日同Ricky MSN，講講下講到芒果拿破崙，跟住就話如果買到料就試下整。

多得朋友仔Joey幫我買飛佬酥皮，打擾0左佢同朋友食晚餐，唔好意思。同Joey好耐無見了，見返真係好開心，仲見埋佢老公。重遇返佢把摩打口，真係好有親切感，勁！

買到酥皮仲要搵芒果，芒果好難搵咁，但好彩都搵到，但就爛爛地0羅。

今朝九點起身，就上下網，跟住就準備材料。

今日菜式有...

菠菜魚柳意大利粉

檸檬蜜糖焗雞翼

雞軟骨（次次都order呢樣，仲未嫌一_一）

食飽飽抖陣間就開始整今日既主角﹕芒果拿破崙。

再多謝Joey，十一點幾十二點仲打個食譜比我，真係好好好好好好好好好好人呀。

首先先整吉士醬，因為要雪一雪。

左手邊係我整的，右邊係Ricky，質感相差好遠呀，我果個滑好多0羅...呵呵呵。

第二步驟係焗飛佬酥皮，總共焗0左三轉。第一轉失敗0左，火力太大焗燶0左。

第二轉較低一下溫度，就好好多，但個樣都係唔多得咁。但我話都試下砌下，可以加0左吉士醬同芒果會正返晒喇。

結果...good啦！但因為整得一層，所以好扁平^^"。

見仲有料，就再整過。經過兩次的實習，呢一次好好多啦~

看看！

Be同Ricky都打包，一個拎返屋企share，一個拎去比男朋友仔食。

呢個Ricky的。

個意粉同雞翼，仲有個芒果拿破崙，我實會自己再整一次。