中醫推拿VS北上按摩

上星期3唔知發生咩事肩頸位置勁痛 , 食午飯時痛得好緊要於是叫同事幫我買了隻虎標頸肩舒(特強)點知買了原裝 , 不過事但喇~~頂住先喇~~塗了都仍然痛 ,

普通裝味道勁似虎標藥膏原味!

特強味道好聞d

回到家再用在新加坡買的虎標頸肩舒(特強) , 再加埋熱水袋膚後條頸無咁痛 , 但到第二日再痛過 , 想請半日假上深圳按摩點知公司攪ISO唔可以請假 , 咁唯有請星期5的下午喇!到了星期5和同事吃過飯後便單人匹馬北上按摩喇! 之前都搜集過資料決定去水立方 , 因為這兒近關口 , 而且地方乾淨是好重要的 , 因為本人有潔癖的 , 而且水立水是按正骨 , 費時去d邪骨地方喇~唔想比人捉去坐15日 . 由於是平日好少人過關不用同人逼 ,

當過了香港邊檢後走去中方邊檢時 , 離遠真已經見到水立方3個大字 , 出到境不到3分鐘便行到 。

一入到去個知客會比條電子手繩你 , 之後便有人帶你去更衣室 , 跟住有個職員叫我除衫沖涼之後我話可唔可以唔沖呀?佢話唔得 , 咁唯有局住沖喇~仲要著埋佢地d衫 , 對我來說好唔習慣著d公眾衣服 , 好快沖完涼後便上大廳休息一下 , 做了45分鐘腳底按摩不過好煩不停有人走埋來sale 你做美容果d套餐 , 之後上房做了135分鐘的中式按摩 , 按完之後成個人舒服世~~返來香港同朋友講起上深圳按摩一事 , 他們都覺得好奇怪我點解會上去按 , 因為有些是做中醫師的 , 他們問我做咩唔找x醫師按 , 反而上大陸按咁危險好易整傷身體 , 其實找x醫師按我知佢會好用心幫我整 , 但中醫的推拿是治療性質 , 次次整完我都痛幾日 , 而我是需要放鬆d肌肉 , 其實只要你唔好比上邊d技師按d軟骨位置 , 例如頸椎、lock頸 , 胸骨 ,、肚腩位置便ok喇~而我今次上去專攻肩膀 , 按完真系鬆好多無咁痛 , 之前痛到我是訓唔到覺的 , 呢排比較忙 , 下個月無咁忙再上去按多次先~

是次消費

腳底按摩$58+$30小費

中式按摩雙鐘+鐘$192+30小費

10%服務費

$20lock架費

人民幣$335

我d朋友話在深圳呢個價錢算是貴 , 唉~~鬼叫自己潔癖咩~~