體驗動物傳心術

早兩天,我和朋友一齊參加一個動物傳心術課程
話時話,我一向都同大部份人一樣抱質疑態度來睇尼樣野就好像鬼神那樣 "信則有不信則無", 因這方面的資訊不多,從網上所知有時也感到太假,亦見到有些人會免費幫人向寵物進行傳心,時常看見的答案更覺得太人性化跟本不太實在,但當我上完堂之後,對傳心術改觀且覺得好神奇!!

等我講下上堂的情形,一開始導師會講解動物傳心術是什麼一回事,跟著就問下大家有無看有線怪談(近來有一集是講動物傳心術),當然我也是有看的一個啦.不過我也覺得怪談那集拍得太戲劇化尤其在其中一段,導師亦講拍得太誇並在真實中不是那回事喎!

接著指導大家去感受能量的存在,教導大家放鬆,開始慢慢引導大家冥想.冥想我也是第一次咋
初初叫大家慢慢呼吸,然後由頭開始,到頸、肩頭、胸、背部、腰、雙手至隻腳,慢慢遂一去感受每個部位.不過我一開始時,個頭已感到不太舒服,正確來說係對眼因近來我的眼睛時常都感到好累和有很多紅根呀到頸時也感到左邊好痛,可能因前晚睡得不好吧!  咁都算,我去到腰個時真係痛到爆,因我本身腰部多年來都會痛,都是多年前工作的勞損. 導師叫我們慢慢放鬆身體,咁我唯有照做喇,過了一會痛楚漸漸減去,可能身體放鬆了吧!
之後導師開始叫我們幻想自己是一棵樹,然後又幻想生了樹根向地下生長.在這個時候,感到隻腳有少許痺和腳底好像有些東西散發出去咁(我心想可能坐得太久而產生腳痺啫),又叫大家幻想有一個很光太陽照著,我這刻真的感到頭頂有熱熱的感覺,而且仲越來越近 相反同學們包括我的朋友都話個刹那眼前一光,但是我除了好熱之外乜光都見唔到
過了一會,又叫大家想像,那個太陽慢慢移向心中,將太陽的光芒散發著整個課室,全個世界,宇宙,地球的深處(這刻我仍然只是感到個頭好熱好熱,而且還好像有一個吸力咁,不斷吸收那股熱力)
在這時,導師叫我們嘗試找下動物,突然間見到一個像從望遠鏡看出去的畫面仲見到一隻唔知乜動物,但是看唔清楚是什麼動物只是感覺到是隻很小很小的動物,當我再想望真D時,隻動物好像發現了我一樣,突然企起身轉身逃走(這刻我覺得好得意,因真是見到影像呀!)

傳心1)  經過了一會分享和講解後,大家又再次進行冥想,今次導師叫我們感受坐在大家面前冥想中的M小姐心中所想,我當然也嘗試一下,係一刹我個腦裡突然見到M小姐的一個偷笑,之後乜都見唔到隨之我個心跳明顯加速(心跳加速,唔知是否我自己那一刻突然感到緊張呢)但那時,我真是不斷感覺到身邊兩旁同學的熱力散發著.到差不多時間,第一次的冥想就結束.
之後各同學分享剛才的感受,當中有一個感應較強的同學.她話見到是一個錢,而且心中即時反應問唔係男朋友嗎?此時再一次見到錢囉.後來M小姐話,她近來真係有為錢而煩惱呀! 真係好神奇呀!

傳心2)  開始時大家都將自己帶來的寵物相放入一個袋裏,接着大家從袋中抽出一張相,我抽中一張唔知乜狗的相,導師要我們不准諗,即時講出相中動物的感覺,我一望相中狗,第一個感覺,他不是好開心,雖然狗狗望着鏡頭,丫大個口在一個草地上影,但總是感到相中狗狗唔開心.之後K導師話這隻狗係佢,講她這隻狗真係唔鐘意去街,就算出了街也會唔高興喎!

傳心3)  各人又再抽過另一張相,今次我抽中一隻白色毛短短的狗.大家開始用冥想去感應相中的狗狗.今次竟然好快見到一個影像,我見到有一條直路有一隻有很長毛毛狗狗從遠處好開心快速跑來我前面,而且他不斷向係腳前轉圈,我心裡有向他SAY HELLO和問他摸下得唔得呀? 但個影像入面,狗狗仍是不停轉圈,完全無停過 唔知點解我心裡同佢講: BYE BYE喇. 這樣又完結了
大家開始分享,原來這隻狗也是K導師的.K導師話相中的狗狗現在的毛毛真是很長而且也打算剷掉 (我心諗唔通真係俾我見到狗狗的訊息)

傳心4)  各人攞回自己帶來的相片,預先想好三個問題來問自己寵物.今次要大家感受自己的寵物喎(朋友和我都覺得同自己寵物傳心有難度,因都認為自己養寵物會太清楚生活習慣和性格,會較易用自己的記憶幻想出來而不是真的做到傳心)
不過點諗都要開始啦,今次D影像無咁快,自己心中不斷想住肥仔,也叫了好幾聲肥仔,一刹那見到肥仔個狗頭係我面前 (真係一刹那因之後見唔到影像只是得感覺), 之後是感到肥仔不斷癡實我對腳,仲要是癡得好實好像肉貼肉的感覺,這刻我心裡完全無驚乜無抗拒因我知道是肥仔來的
跟住我問那三個問題,當我問第一個問題時,肥仔完全無任何signal俾我,咁佢唔答我就算,近住問第二個問題,肥仔仍然無signal,但是我仍感到肥仔癡實我對腳,仲要是好想好想癡住我  這刻見肥仔全無反應,我心裡突然講: 咁去街街呀,但肥仔也是沒有反應依舊癡住.  但在現實中肥仔一聽見"去街街"這三個字一定會有反應囉.
我心想問了他兩個問題都無反應,所以第三個問題也沒有再問下去,但突然間有一個畫面係個腦內,就是見到肥仔和肥仔爸兩個玩到四腳朝天好開心. 跟住再沒有癡住的感覺,於是我和肥仔講 : BYE BYE,我行喇.  這就完結.
又到分享時間,我好直接向導師講唔知係咪自己幻想出來,但導師解釋如感覺是不會幻想(唔通肥仔真是和我進行了傳心)

傳心5)  再一次和同學交換相片和兩條問題,今次我換來兩隻貓貓相,一隻叫囡囡另一隻叫紅紅,主要想問囡囡,鐘意食那一樣野,有三個選擇: 乾糧,濕糧和白色肉, 另一個問題鐘唔鐘意紅紅.
望了相後再次開始把冥想,今次好慢而且個影像很矇糊,因我有點兒累.等了很久,腦海裡見到囡囡靜靜坐在地上, 心裡說: 囡囡,主人有事想問你呀! 在這時,囡囡 "喵" 了一聲回應我, 之後我腦裏浮現那三款食物的樣子俾囡囡揀,但是囡囡無反應仍然靜靜坐住. 我見佢又無signal.
接住問第二個問題, 點知又係無反應. 於是我又再問覺得紅紅點呀? 囡囡都是無反應. 隔了一會, 我叫: 囡囡,點呀?  之後囡囡再向我 "喵" 了一聲, 之後我同囡囡講bye bye.
分享,主人的回應,囡囡也是一隻較靜的貓貓,而且話同囡囡講野時都會 "喵" 一聲
(唔通我真係可以同動物傳心)

其實去到這裏,已夠鐘落堂,今日已做了很多次冥想,傳心. 我真是覺得很神奇,所見影像感受到感覺都很實在. 但我又會有很多解釋俾自己喎. 不過最神奇是感應較強那位同學和肥仔進行傳心的結果,真是令我好驚訝!

今日總共分別有三個同學抽中肥仔張相.
A同學: 感應是肥仔好想去街  (這次是要即時講出感覺唔准諗個次, 這點我又唔出奇,因相中的肥仔雖然笑着但從眼中好像有些哀求感)
B同學: 感應到肥仔不斷撲佢隻腳  (咦! 撲腳 ~ 肥仔又真成日撲人隻腳架喎! 尤其有人想聊佢玩, 第一個反應會飛去撲人地隻腳)

C同學(感應較強那位同學):
這次我問了兩個問題:  問題1)鍾唔鍾意而家既野食  2) 無得日日落街, 會唔會唔開心

C同學一開始感應到一把女人聲不停讚左好多次你好乖仔,問問題1時,腦內閃左一大舊煮熟左嘅肉,但唔知係乜肉,見到係白色喎 (我一聽到個答案時,真係即時O咀,因我之前從無提過肥仔食BARF, 雖然C同學見到熟肉, 但以肥仔的理解有可能不懂得分別乜係生係熟囉) 
之後C同學見到肥仔無啦啦自動示範一次係一條很長走廊度來回跑一次比佢睇 (我一聽到尼個答案真係即時 O O咀囉, 因C同學更加唔知肥仔屋企係點,雖然張相係屋企露台影,但都唔一定係屋企來啫! 事後C同學來睇肥仔BLOG,發現裝修中條長走廊同佢個日見到一模一樣呀~嘩~我真係訝晒囉)
睇跟住C同學話摸肥仔個頭, 肥仔表演得好鍾意,仲舔到C同學隻手濕晒, C同學話心想: 嘩~~濕曬啦到最後都同肥仔講bye bye時仲吠左一聲,個一聲係善意唔惡意 (舔人隻手又唔出奇喎,因肥仔成日都會舔肥仔爸隻手,多數是肥仔想揾人玩個陣出現)

今日終於理解到傳心術是什麼 ~ 其實有很多事情都難以三言兩語解釋到,就算我講到點樣點樣神奇,唔親自體驗過真是會很難相信和難以理解.就好像我當初一樣心裏總是懷疑.

導師也指出傳心術其實人人都可以做得到,並不是一樣要什麼天賦才做到的事哦!!

不過從上完課至今,我都未練習過一次,我真是一個好懶的學生呢!哈哈!
PS.這篇文是我寫BLOG至今,有史以來最多字一篇,因當日真是太多感受,令我不得不同大家分享下,在此十分感謝各位睇完這篇文