0601 小圈子飯局+雙料大寶

= =0601= =

話說上次講到我地反完,等埋艾生就出去食飯.

7點多,艾生就到啦,我地一行就起行去食飯,姑姐都同時去.

開左台,圈友陸續到...但竟然有位美女"型單隻影"到場...

個位就係~~~忌媽!

原來話說,佢地何家一家返左屋企放底忌忌後,何寶竟然係痴住左張沙發訓,起唔到身.

結果最後只有忌媽一個到,真係...唉

皮媽岩岩先封左個"挽水英雄-何大寶"既名譽比佢,深得榮譽.

估唔到咁快同時拎埋"飛機王-何大寶"既名譽~真係...

我仲記得某人係我屋企路台講:多謝招呼喎,我地請你食飯喔!

我:唔洗啦!

某人:咁你請我地食啦!

渣屎附和道:係啦!咁你請囉!

結果個位某人都唔到,咁我點請呢~~~

攪到渣屎都無人請食飯,真係屈住屈住...

令到某人女友後來不停比人窒,真係"何其妻慘"!

好...唔講呢樣啦,睇下我地食左D咩好野啦!

去相!

椒鹽蝦碌(我無食過,留左比肥仔媽,大大隻,賣相都一流)

炒大蜆(D蜆好大~~~真係好大,啖啖肉)

竹生香菇扒時sor(無咩特別感想,哈哈)

蜜汁香燒鱔(唔錯,好食,爆到一D都唔"醒")

冬瓜盅(入邊好足料)

蒙古燒羊(正!羊味十足,D香料又超香,不過如果怕羶既人可以唔鍾意)

蒜香雞(夠晒味,不過唔好既地方就係肥左D)

係唔係好正呢!(不過某人無份食)

之後我地諗住去食唐水,不過時間已經差唔多十點,呂仔記又話唔好,大良又收工!

結果...去左姑姐介紹既.....

呢間D唐水平得黎又有水準!唔錯!

最緊要係D阿組好熱情,嘈又唔怕,岩晒我地呢班鍾意吹水圈友.

之後佢地接完狗狗就各自離去...今次既濕身徙爬地總算完滿結束~

期待0608唔好落雨!可以玩個痛快!

(順帶一提,肥仔係房放返出黎立即沖出聽周圍搵.

就好似話:我D FD呢?)

== 完 ==