唔知，好灰

本來星期五已請了一日假，想炒辣蟹煮一餐飯給伯伯食，我從未試過由頭到尾全餐飯全部都是自已一手一腳煮的，所以都是請了假有多d時間準備。

但結果是他話果日晚上要返工所以唔去得睇concert,好唔開心，佢講果一刻，我d眼水已經流緊無晒心機，希望佢聽唔聽得出。跟住佢話晚上去美孚找我坐底比個產品佢幫我影相，終於我就騙他去食了一餐完全是我煮的飯。我一夠鐘放工就去擺花街買送....好趕，好驚唔夠時間整！買了花蟹，象拔蚌，豆苗，和煲湯的材料，之後覺得煮飯唔係咁好因為伯伯好細食的，所以煮冷麵，我記得伯伯好耐以前講過佢中意食冷麵，而上次話佢自已煮到好硬，而且之前佢話過胃痛，所以今次我煮得"林"d，希望唔會食到佢胃痛啦！冷麵，我真的從未在家裡或別人的家裡食過，只是出街食過兩三次，而且好少食因為我不太喜歡食，所以我連冷麵味道是怎樣亦不記得好清楚，其實今次煮得好唔好，我都唔識分，希望伯伯中意啦。原來伯伯唔中意食豆苗的，還是我煮得難食呢？我好似無見他食過，我會記得佢唔中意食豆苗了(記又有什麼用？我還有機會再煮飯給他食嗎？！)我d辣蟹，真的好比心機去煮，買蟹時想叫賣果個"湯"埋，但湯定無咁好食，所以都係硬住頭皮自已返去湯，我覺得湯佢地真的好殘忍，兩隻眼望住我好可憐，我又唔夠力湯，如果一斬佢就死就好了，可是湯左好耐佢地還會動，一定好痛了，真的好慘，好殘忍呀！鬼叫伯伯中意食咩。比隻蟹咬到流血我都唔應該怨，因為是我殘忍在先！伯伯，希望你唔好嫌我煮得唔好食啦！這是我第一次煮蟹，下次一定會好食d的！其實今次騙他去食我煮的，希望他不會嬲吧，好驚你會唔中意，又要等得咁耐先有得食，仲要唔係好食！你等的時候有無悶親你呀？係唔係唔合你口味呀？有無餓親你呀？你是不是唔中意係屋企食呢？要你等咁耐，對唔住呀！其實出去食，又好食又方便，價錢又差唔多，我真係蠢點解要咁吃力不討好？！！

他話唔去睇演唱會是因要返工，如果是真的，我不會太唔開心，但我覺得是你另外約了其他人都不去我一早約定你的演唱會。我真的好唔開心好傷心，我明白了，今次我真的要徹底叫自已不要再對你有任何期望。但我仍然好想對你好雖然你不會同我一起，因為，我真的好中意你，好想可以令到你開心，可以見到你因為我做d野而令你開心，即使我們不能一起但我什麼都願意做。但我用盡心機想去令你開心，都好像見唔到你開心，你可以教我點做嗎，你教教我好嗎？

如果我求其同一個人一齊，會否令你舒服d？安樂d？開心d？如果會，我願意咁做！我用什麼方法才令你見我時你會舒服d唔會有壓力唔會避左我？