粗心大意嘅賓賓~

我家賓賓真係好粗心大意架!

嚟咗我屋企都唔夠一個禮拜,有一日我食完奇異果之後,佢幫我清理,第二日早上

佢問我點解得番一把生果刀,(原本有兩把)我就叫佢諗吓係咪尋晚幫我包奇異果

嗰陣"Dum"埋,佢諗諗吓先話係...唉!仲有隻匙"更"仔都一齊比佢包埋"Dum"鬼咗!!!!

一向唔鍾意整花屋企啲牆呀,傢俬呀,依家就比賓賓破壞晒,叫佢執房抺嘢,佢就响

床尾蹲入去,但佢嘅腳印就印晒落牆度,叫佢下次唔好蹲啦,坐响床尾慢慢入去,佢

就沿住床尾行入去,條褲袋後面嘅扭就摑晒落牆度,成條痕...呢樣都算啦,最近又有

新嘢,就係厨房度門啦,一早同佢講過開櫃門前要開盡厨房門或者關咗佢,佢又唔聽,

終於撞到度門花晒...唉!你聽吓我講得唔得呀!!!!