美國花藝C21

星期五放工後, 諗住開開心心去上課, 有時間, 上了一架104巴士, 點解咁焗嘅, 風口只感覺有輕微的風, 放工時間, 梗係人多, 嘩, 令我心跳加速, 好辛苦呀。

我在彌敦道落車時, 問亞司機大佬有無開冷氣呀......????他梗係答有啦, 他自己都滴汗,落車後打電話去新巴熱線投訴, 出架無冷氣的巴士, 想謀殺.........????

跟著上完課回家後, 自己開始唔妥, 第二天(即星期六)已經浮浮吓, 不過約咗牙醫, 又答應咗去開會(園林景觀), 座座吓我支持不住, 我嚷要走, 腳浮浮, 氣促促, 即噴氣管葯, 條街又熱, 上了巴士後即睡著了, 我幾驚在巴士嘔。

回到家中一探熱, 101度燒, 我係星期五晚焗病了, 焗病是辛苦過冷病。

休息到今日還未退熱, 明天都是上不到班, 我還打算去測豬流感, 好慘呀, 好辛苦呀, 無端端咁樣病, 真想再致電去投訴索償, 話我野蠻都係咁話。

下午出了汗還鬆了一些, 見到水筒內的花花, 便插花罷了。下面連續兩張都是老師示範的, 不過她今堂大部份時間講咗過去, 將來要上課要學的東西, 我們要有怎麼心理準備。

老師聲明, 她做咗示範的, 我們返家插就不可以跟她插, 要自己插另外一些形態。

花材放下了的時間, 真是太熱嗎........一打開, 啲洋天冬變黃了, 散晒落嚟, 不能用了, 自己要轉變用排草。

我就一個捲成雪糕筒,另外一個捲成馬蹄蘭形狀, 不過我自己都唔知自己插乜, 要印出來給老師看呵, 她實話我錯處很多, 很差.................